HORARIO DO PARTIDO DE CUARTOS DE FINAL DA COPA DE FERROLTERRA

Por acordo entre ambos Clubs o partido entre o Cultural Maniños e o Galicia de Mugardos quedou fixado para o sábado 4 de xaneiro as 17:00 Horas no Campo do Pote de Maniños. 

A partido único. Só pode quedar uno. 

Vascho a perder?

GO MANIÑOS

HORARIO DO PARTIDO APRAZADO DOS VETERANOS

Os veteranos ten dous partidos aprazados, o primeiro deles ante o Vioño CF xa ten data que será o próximo domingo 29 de decembro  as 10:00 Horas no Campo de Elviña na Coruña.  

Sen dúbida é unha mala data pero hai que poñer o calendario en orden o máis axiña posible.

GO MANIÑOS

O CULTURAL MANIÑOS DESÉXAVOS BO NADAL

SIGUE A MALA RACHA DO VETERANO

Nova derrota do veterano, esta vez por 6 a 3 e fronte ao Hércules.

Partido de novo complicado para os do Pote, que a pesar das boas intencións e as ganas de cambiar a dinámica, atopáronse cun 3 a 0 no marcador en tan só 18 minutos, demasiado...

A pesar diso, o Maniños non se rendeu e foi quen de marcar 3 goles que o achegasen a un resultado positivo, non sen antes encaixar o 4 en contra. 

4 a 3 ao descanso e boas sensacións finais, que facían presaxiar un segundo tempo máis tranquilo.

Non sería o caso; Outros 10 minutos de desconexión branca penalizaron demasiado e dous goles máis en contra afundiron a moral, xa tocada, dos maniñeses...

Tocaba remar de novo.

A partir de aí, os de ou Pote, con máis corazón que cabeza, tentaron achegarse no marcador en innumerables ocasións, pero nada parecía xogar a favor deles. 

As présas son malas amigas do bo fútbol e a pesar das boas intencións, nada saíu como esperaban brancos e o partido foise apagando aos poucos.

O 6 a 3 xa definitivo volve golpear aos veteranos, que deberán refacerse e agarrarse aos bos minutos xogados en en varias fases do partido e loitar máis que nunca para voltear unha situación incómoda.

Acta do partido en www.futgal.es, pulsa aquí

O FEMININO CAEU EN CEE

Derrota do feminino na súa visita a Sampaio de Refoxos para enfrontarse a un dos equipos máis consolidados na liga como é o Unión Club Cee.

Partido ao que se acudiu coas esperadas altas despóis de superar as súas respectivas lesións de Tensi e Nora e co alta despois de permanecer varios meses ausentes por motivos laborais de Cris Silvar unha referente para o noso feminino fora e dentro dos terreos de xogo.

Dous goles na primeira metade e un terceiro na recta final do partido serviu para tumbar ao noso equipo do que con todo espera unha reacción dunha maneira proporcional ás xogadoras que sexa capaz de recuperar nesta época do Nadal. 

Xogadoras hai, potencial hai, agora falta demostralo.

A desconectar e a recuperar forzas, quedan moitos partidos por diante e pódese saír dos postos de abaixo. Claro que se pode !!!

GO MANIÑOS

Acta do partido en www.futgal.es, preme aquí

DURA DERROTA DO FILIAL NO POTE

Dura derrota do Filial que non puxo oposición a un tamén mozo rival, o UD Campestre de Montrove, que demostrou o porque da súa boa xeira no Pote

Dominio, ocasións e efectividade para os visitantes que levaron con xustiza os tres puntos en xogo. Alex marcou o gol da honra dos brancos.

Agora o que se necesita neste período do Nadal é recuperar efectivos empezando pola portería cos lesionados Joel e Pichón que está a obrigar a Hugo a poñerse baixo paus o cual agradecemos desde aquí.

Moito ánimo só perdeuse unha batalla, a guerra segue...

GO MANIÑOS

Acta do partido en www.futgal.es, preme aquí

Chiqui Dopico en www.radiofusion.eu, preme aquí

RESULTADOS DO FIN DE SEMANA (20-21-22) DECEMBRO

PREBENXAMINES (X10): CD Estrella A Solaina - Cultural Maniños (X)
BENXAMÍN "A" (X10):Cultural Maniños -  CMI Club Campo (1)
BENXAMÍN "B"(X10): SD Canido "B" -  Cultural Maniños (2)
ALEVINES (X10):  Cultural Maniños - SD O Val (1)
INFANTILES (2ªF - X03): Cultural Maniños 2 - EF Irmandiños 2
CADETES (2ªF - X03):  Numancia, ADR 1 - Cultural Maniños 5
XUVENILES (2ªF - X02): SD Valdoviño 3 - Cultural Maniños 0 
FEMININO (X14): Unión Club Cee 3 - Cultural Maniños 0 
VETERANOS (X14): Hércules, SD 6 - Cultural Maniños 3 (Ricardo (2) e Javi Rico)
AFICIONADOS - 3ª GALICIA (X15): Cultural Maniños 1 - Unión Campestre 6
AFICIONADOS - 1ª GALICIA (X16): Cedeira, SD 0 - Cultural Maniños 3 (Santi, Christian e Pedro)

II COPA FEMININA DE FERROLTERRA

Esta tarde efectuouse o sorteo da II Edición da Copa Feminina de Ferrolterra baixo a dirección do Delegado Federativo, Abraham. 9 equipos participantes o que obrigou a realizar unha previa que se celebrará o 29 de decembro.

As nosas debutarán en cuartos de final contra o Galicia de Caranza a domicilio (exactamente igual que a tempada pasada). En prinicipo o partido está fixado para a véspera do día de Reis (5 de xaneiro). 

A dalo todo!!!

HORARIOS DO FIN DE SEMANA (20-21-22) DECEMBRO

SIGUE A MALA DINÁMICA DOS MODESTOS

O fútbol é de dinámicas e nestes momentos o Maniños está a pasar unha negativa con tres derrotas consecutivas e con malas sensacións como o feito de non marcar ningún gol e encaixando 9 goles. Pero tamén se sabe que estas malas series non son eternas e o que necesita o equipo urxentemente é gañar un partido e reverter a situación. E isto vai suceder..

Intre do partido 

.Empezou mellor o Oíimpico con máis control do balón e máis chegadas á portería branca pero unha xogada puido cambiar o partido, a expulsión dun xogador dos visitantes ao derrubar a Christian cando se ía só cara portería. A partir de aí dominio do balón branco co partido controlado pero unha perda de balón permitiu aos de Culleredo montar unha rápida contra e cun disparo ao bordo da área poñer o (0-1). O equipo baixo de moreira polos continuo reveses non encaixou ben o gol non sendo capaz de reaccionar ata o descanso ao que se chegou co resultado coñecido.

A segunda parte foi dun asedio total dos brancos cun Olímpico ben ordeado. O equipo estivo espeso, pouco preciso sen ser capaz de xerar o suficiente para poñer en perigo a meta visitante. E en ese xogo de atacar máis co corazón que coa cabeza unha nova indecisión defensiva acabou en penalti que transformado polos visitantes puxo o definitivo (0-2). De aquí ao final o Maniños seguiuno tentando pero non foi quen pese sa os seus intentos de recortar distancias. Sen máis o partido finalizou e os tres puntos fóronse para Culleredo. 

Agora é cuanto máis unidos tense que estar e continuar co bo traballo que se está facendo. Adrián o resto do Corpo Técnico e a plantilla demostrou sobradamente que son moi capaces e moi válidos. 

Cabezas erguidas!!!

Seguimos equipo!!!

GO MANIÑOS

Acta do partido en www.futgal.es, preme aquí

Adrián Martínez en www.radiofusion.eu, preme aquí

DERROTA DUN FILIAL MOI MERMADO

Derrota do Filial en Os Regos de Santa Cruz nun partido ao que se acudeu con moitas baixas incluida a do porteiro polo que tivo que ocupar a portería Hugo, xogador de campo.-. Se pelexo e deuse a cara todo lo que se foi capaz.

Moito mérito, sempre dando a cara pese a derrota. 

Toca recuperar xente xa!!! 

Esto sigue!!! 

GO MANIÑOS

Acta do partido en www.futgal.es, preme aquí

Chiqui Dopico en www.radiofusion.eu, preme aquí

RESULTADOS DO FIN DE SEMANA (13-14-15) DECEMBRO

PREBENXAMINES (X08): Cultural Maniños - Galicia Caranza (2)
BENXAMÍN "A" / BENXAMÍN "B"(X08): Cultural Maniños "B" -  Cultural Maniños "A" (1)
ALEVINES (X10):  Galicia Caranza - Cultural Maniños (2)
INFANTILES (2ªF - X02): CD Cariño 2 - Cultural Maniños 2
CADETES (2ªF - X02):  Cultural Maniños 5 -  CMI Club Campo 0
XUVENILES (2ªF - X01): Cultural Maniños 0 - Racing San Pedro 3
FEMININO (X13): DESCANSAN
VETERANOS (X13): Galicia Gaiteira - Cultural Maniños (Adiado pola folga de funcionarios das instalacións municipais)
AFICIONADOS - 3ª GALICIA (X14): Santa Cruz 4 - Cultural Maniños 0
AFICIONADOS - 1ª GALICIA (X15): Cultural Maniños 0 - Olímpico CF 2

HORARIOS DO FIN DE SEMANA (13-14-15) DECEMBRO

CAMPAÑA DE RECOGIDA DE ALIMENTOS

Como todos os anos o Club inicia a CAMPAÑA DE RECOLLIDA DE ALIMENTOS NON PERECEDOIROS E PRODUTOS DE HIXIENE PERSOAL en colaboración con CARITAS - FENE

A recollida será no Campo de Fútbol O Pote de Maniños.

Ata o domingo 22 de decembro.

RÓGASE DIFUSIÓN E COLABORACIÓN.

GRAZAS

VICTORIA VITAL DO FEMININO ANTE O SP. BURGO

A boa nova deste domingo foi sen dubida a victoria do feminino ante o Sporting Burgo. Unha boa primeira metade con dous goles de Lucía Calvo e unha segunda parte onde tocou sufrir.

Manu nun intre do partido
(Foto: Olaya López)

Victoria balsámica e moi necesaria. Seguimos na loita. No bagón de cola pero con moita vida. Moita! 

Ágora toca seguir recuperando xente. Hoxe volveu Laura Montero que disputou os 90 minutos.. 

GO MANIÑOS

Acta do partido en www.futgal.es, preme aquí

Noe Leiras en www.radiofusion.eu, preme aquí

O FILIAL NON PUDO CO MANDIÁ

Derrota do Filial ante un bo rival como é o CF Mandiá, firme candidato ao ascenso de categoría. O equipo compiteu pero finalmente os ferroláns leváronse os tres puntos do Pote. 

Capitáns máis colexiado na previa do partido no Pote
(Foto: RRSS CF Mandiá)

Unha bagoa non poder acurtar distancias cos outros equipos de Ferrolterra pero esta guerra é longa. 

Outras notas negativas foron a lesión do meta Pichón e a do "capi" Juanlu que tivo que recibir dous puntos de sutura. Baixas sensible que esperemos non sexan por moito tempo.

Pasar páxina e a polo seguinte!!! 

Seguimos!!! 

GO MANIÑOS

Actas do partido en www.futgal.es, preme aquí

Álvaro "Chiqui" Dopico en www.radiofusion.eu, preme aquí

DEBACLE DOS MODESTOS EN VISMA

Nin o maior pesimista dos afeccionados do Club podían pensar o desastre dos brancos en San Pedro de Visma ante un dos mellores equipos da competición como é o Orillamar, SD que o demostrou con creces ante un Maniños irrecoñecible e que se diluíu recibindo unha malleira histórica. 

Intre do partido frente ao Orillamar, SD en Visma
(Foto: Ahitor Regueiro)

Ata o minuto 35 non pasara absolutamente nada, nin tiros a porta nin achegamentos, algún balón parado e pouco máis pero desde o minuto 35 ata o 72 (en 37 minutos co descanso polo medio) o equipo recibiu 6 goles, a pouco máis dun gol cada 6 minutos... Nada que engadir...

Só queda pasar páxina e aprender dos moitos erros cometidos. Nin hai unhas semanas érase tan bo nin agora tan malo pero o que está claro é que non ten explicación ou se? aos 90 minutos do terror na Coruña. O peor partido do noso equipo en moito tempo. Toca levantarse e pensar que o próximo finde hai outro reto en forma dun potente Olímpico CF de Rutis e hai que estar preparados para competir. Non pode repetirse. 

E curiosamente e tras dúas derrotas consecutivas séguese de líder a falta de tres xornadas para finalizar a primeira volta. Nin tan mal, non?.

Ata o mellor escribano ten un borrón... 

A erguerse !!!

GO MANIÑOS

Acta do partido en www.futgal.es, preme aquí

Adrián Martínez en www.radiofusion.eu, preme aquí

RESULTADOS DO FIN DE SEMANA (6-7-8) DECEMBRO

FEMININO (X13): Cultural Maniños 2 (Lucía Calvo (2)) - Sporting Burgo 1
AFICIONADOS - 3ª GALICIA (X13): Cultural Maniños 0 - CF Mandiá 4
AFICIONADOS - 1ª GALICIA (X14): SD Orillamar 6 - Cultural Maniños 0

HORARIOS DO FIN DE SEMANA (6-7-8) DECEMBRO

 

HOXE REANÚDASE O PARTIDO APRAZADO DE CADETES

Hoxe xoves a partir das 17:30 H reanúdase en Os Pinares o partido aprazado de cadetes suspendido pola tormenta o pasado sábado.

A dalo todo equipo!!!

GO MANIÑOS

VICTORIA EN MOURENTE, SEGUIMOS VIVOS NA COPA

Xa estamos en (1/4) de final da XXIV Copa de Ferrolterra tras derrotar ao SD Valdoviño en Mourente. 

Partido de poder a poder, con oportunidades para os dous, intensidade, loita e moita polémica. 

Intre do partido de Copa

Un gol de Hugo na primeira metade decideu o partido. 

Agora toca esperar rival que saldrá hoxe da eliminatoria a disputar na Gándara de Pontedeume entre o local Eume Deportivo e o Galicia de Mugardos. Lembremos que de ganar os locais, os brancos se desprazarían a Pontedeume mentras que si gañan os verdes da Pedreira o enfrentamento sería no Pote.  A data prevista para o partido sería o domingo 29 aunque con flexibilidad para un posible acordo entre Clubs.  

Parabéns! 

GO MANIÑOS

Acta do partido en www.futgal.es, preme aquí

HOXE DEBUTAMOS NA XXIV COPA FERROLTERRA

Hoxe é o debut na competción de Copa para o Cultural Maniños. Despóis de quedar exentos na primeira eliminatoria, empezamos nos octavos de final visitando Mourente para enfrentarse ao SD Valdoviño. Será a partir das 20:30 H. 

A partido único e no caso de empate penaltis. 

A por todas!!! 

GO MANIÑOS

Podes consultar a acta do partido aquí

O VETERANO SUPERADO DE PRINCIPIO A FIN

 Derrota sen paliativos do veterano, que foi superado por un Beat Street Betanzos superior en case todos as fases do partido.

Partido desafortunado de principio a fin do equipo do Pote, que encaixou o primeiro gol xa no primeiro minuto e que non foi quen xa de levantarse.

O partido foi un pesadelo para os locais, e os goles visitantes foron caendo pouco a pouco mentres os brancos víanse incapaces de ofrecer sequera resistencia. A desconexión foi importante e o Beat xogou cómodo ante a incredulidade local.

No min 70 un escandaloso 0-7 campaba no marcador. 

O Maniños tratou entón, con máis corazón que cabeza, marcar o da honra e tivo ocasións máis que de sobras para marcar 3 ou 4 goles que maquillaran o resultado, pero tan só dous foron os goles obtidos polos brancos; Primeiro Ricardo e despois Karranza foros os autores dos mesmos tras dúas boas xogadas; 2-7.

Dura realidade a que lle toca aceptar os do Pote, que deberán analizar con sinceridade os errores cometidos para poder darlle a volta canto antes a unha situación delicada.

¡ Hai vimbias, hai ganas e hai calidade suficiente para volver canto antes á senda de vitoria!

 ¡É o momento de xuntarse máis que nunca!, ¡É o momento de que o grupo tire do carro!

 

¡GO MANIÑOS!

O FEMININO CAE CON ESTRÉPITO EN PASTORIZA

Derrota sen paliativos do feminino na súa visita a Pastoriza.

Moitas baixas, moitas lesións, moitos reveses. 23 xogadoras na plantilla e só 13 disponibles, nada menos que 10 baixas...Dende logo este non é o camino. 

Temos que reaccionar e temos que facelo xa !!! 

GO MANIÑOS

Acta do partido en www.futgal.es, preme aquí

(---) en radiofusion.gal, preme aquí

DERROTA POLA MÍNIMA ANTE UN BO URAL

Non se contaba no Pote con este revés en forma de derrota coa visita do Ural Español CF nun partido marcado pola polémica actuación do trio arbitral Maseda - Vilaro - Vilaro. É difícil ver unha arbitraxe tan desastrosa, perxudicando ao fútbol, aos futbolistas e aos afeccionados. É difícil facelo tan mal... Sorprendeu o Ural para ben pois a pesar de que visitaba Maniños con derrotas en todas as súas saídas e no penúltimo posto clasificatorio o seu fútbol, ilusión e compromiso levou á vitoria. O Maniños foi de menos a más cunha moi mala primeira parte que foi onde se fraguou a vitoria coruñesa. 

Christian lesionouse na primeira metade 
(Foto: Ahitor Regueiro)

Un gol a balón parado nos instantes iniciais do partido cambiou o mesmo, un gol moi parecido a un dos encaixados a semana anterior en Pontedeume. Os brancos non se atoparon cómodos en ningún momento e a proba diso é que non fixeron ningunha ocasión e non probaron ao meta visitante nesta primeira parte. pola súa banda o Ural facía o seu fútbol, correr e combinar con perigo aparente pero non na práctica pois Marcos aínda que tivo que intervir non foi a disparos con excesiva complicación. Con (0-1) chegouse ao descanso. Tocaba buscar solucións.  

Miragaya nunha acción do partido
(Foto: Ahitor Regueiro)

Quedou Rober no vestiario e entrou Miguel Segura para dar un pouco máis de saída de balón. Nesta segunda parte o equipo foi a máis ante un Ural que se defendeu con uñas e dentes. Recital de chifre de Maseda e Cia pitando todo ao revés, mesmo bandas ou saques de esquina moi claros pero o colmo dos colmos foi aproximadamente no meridiano desta parte cando un balón é rematado á portería do Ural e é sacado  de dentro e coa man!!! por un defensor coruñés ante o estupor, sorpresa e indignación de todos os alí presentes, Maseda non concede nada do sucedido. O equipo visitante recoñeceu desde o segundo un o terrible erro de Maseda e os seus dous ¿axudantes? que deixou seguir o xogo. Unha xogada sen ningún tipo de dúbida que marcou o partido. Hai que lembrar que Maseda nun partido de hai dúas tempadas e na mesma portería facendo labores de linier sinalou un penalti e indicou ao árbitro a expulsión de Ángel por mans nunha xogada que o colexiado sinalara corner. Nada pode sorprender xa. Hai que contactar urxentemente con Iker Jiménez. No Pote con esta Colexiada hai un misterio para resolver... Ten que vir a nave do misterio. 

Si, posteriormente Maseda pitou un penalti a Santi pero tan sumamente claro que ninguén puido discutilo e aí Miragaya non estivo acertado tirándoo por encima do traveseiro. De aí ao final acoso total pero a falta de acerto e a boa actuación do meta visitante fixo o resto. Derrota por (0-1) ante un Ural que celebrou o triunfo coma se gañase unha liga. A súa complicada posición na táboa xustificábao.

O peor a lesión de Christian no ombreiro. Desexamoslle unha pronta pero sobre todo, total recuperación.

Derrota dolorosa pero a diferenza das outras dúas que se sufriu antes, este partido foi condicionado por factores externos que prexudicaron gravemente aos brancos. Felicitar ao Ural pola súa vitoria e agora a preparar o partido de Copa o vindeiro mércores en Valdoviño. O domingo volta á liga co Orillamar en Visma. Isto non para...

Ninguén nos borrará o sorriso...

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

CAE POLA MÍNIMA O FILIAL NO CONDÚS

Non pudo sacar nada o Filial na súa visita a O Condús. Unha bagoa pola cantidade de ocasións desperdiciadas aunque o xogo non foi mui fluido quizás marcado polas dimensións do campo, moi pequeno. 

Hoxe non quiseron entrar, o fútbol é así. Tamén é de xusticia reconocer que con (0-0) Pichón detivo unha penal.

Non obstante o traballo é bo e axeitado.

Anotou Marco o momentáneo (0-1). Pouco dura a alegría na casa do pobre.

O domingo visita O Pote o mellor dos equipos de Ferrolterra, clasificatoriamente falando, o CF Mandiá instalado nas zonas altas da clasificación.

Seguimos!!! 

GO MANIÑOS

Acta do partido en www.futgal.es, preme aquí

Chiqui Dopico en www.radiofusion.eu, preme aquí

RESULTADOS DO FIN DE SEMANA (29-30) NOVEMBRO - (1) DECEMBRO

PREBENXAMINES (X07): SD O Val Rojo - Cultural Maniños (2)
BENXAMÍN "A" (X07): Cedeira, SD - Cultural Maniños (1)
BENXAMÍN "B" (X07): Cultural Maniños - Eume (1)
ALEVINES (X09):  Cultural Maniños - SD Ánimas (2)
INFANTILES (2ªF - X01): Cultural Maniños 4 - Galicia Mugardos 1
CADETES (2ªF - X01):  CCRD Perlío 1 - Cultural Maniños 2 (suspendido na 1ª mitade pola tormenta e finalizado a xoves 5)
XUVENILES (X11):  CMI Club Campo 3 - Cultural Maniños 1
FEMININO (X12): SCD Pastoriza 9 - Cultural Maniños 0
VETERANOS (X12):  Cultural Maniños 2 (Ricardo e Karranza) - Beat Street Betanzos 7
AFICIONADOS - 3ª GALICIA (X12): CD Obrero 2 - Cultural Maniños 1 (Marco)
AFICIONADOS - 1ª GALICIA (X13): Cultural Maniños 0 - Ural Español CF 1

HORARIOS DO FIN DE SEMANA (29-30) NOVEMBRO - (1) DECEMBRO

 

UN FEMININO SIN SORTE CAE NO DESCONTO ANTE O MEICENDE

O noso feminino sufreu unha dura derrota e como máis doe, nos minutos de desconto. E chove sobre mollado, varios partidos se foron das mans neses intres (Friol, Dumbría...)

A maiores unha nova lesión da última incorporación Milena. Que non sexa nada !!! 

Hai outros factores incontrolables que estan sendo decisivos.

Anotou Lara Gorgullo.

Non choveu que non escampara... Ánimo! 

GO MANIÑOS

Acta do partido en www.futgal.es, preme aquí

Noe Leiras en www.radiofusion.eu, preme aquí

ENORME VICTORIA DOS MODESTOS EN PONTEDEUME

Vitoria de prestixio do Maniños tras superar a domicilio ao Eume Deportivo, equipo recentemente descendido da Rexional Preferente e firme candidato a estar nunha das posicións de privilexio na presente tempada. Ademais e por enésima vez esta tempada toco remontar ao encaixar un gol na primeira xogada do partido pero como noutras ocasións o equipo tivo capacidade de reacción e efectividade para sumar os tres puntos. 

Intre do partido na Gándara de Pontedeume

O partido non puido empezar peor para os brancos ao encaixar o primeiro gol no primeiro saque de esquina dos locais. O gol ademais é sen dúbida un fallo defensivo porque o xogador local remata co pé ao bordo da área pequena. Instantes complicados para os brancos que sufriu o acoso local que cheirou sangue. Aos poucos o Maniños foise recuperando sacándose o dominio e empezando a controlar o xogo. O empate chegou pronto. Así nun balón en longo a Pedro, este forcejeó cun defensa e o balón chegou rexeitado ao bordo da área onde Christian coa zurda cun bo tiro bateu ao meta local por baixo. (1-1) e o partido volvía empezar. Antes deste lance o Eume sufría a expulsión dun xogador por unha dura entrada a un xogador branco. A partir deste intre bos minutos dos brancos con control do partido pero con ausencias de grandes ocasións, o Eume ben ordenado trataba de saír á contra. Neste escenario unha recuperación no medio campo, o balón chegou a Christian que viu como entraba Santi desde atrás, picadita por encima da defensa e o dianteiro branco plantábase diante do porteiro ao que superou por baixo. (1-2) e o máis difícil parecía feito. Con este resultado chegouse ao descanso. 

A segunda parte empezou cun Eume mellor, con máis iniciativa e as ideas máis claras onde non se notaba a inferioridade numérica. E pronto conseguiu o empate, xogada por banda dereita segundo o ataque local, o centro é despexado involuntariamente cara a portería por Rober poñendo as táboas de novo no marcador. De aquí en diante mellor o Eume nun partido sen control. Ocasións para ambos os lados sen acerto e moita sensación de perigo dos locáis especialmente cun tiro ao pau e algún balón que merodeó a área de Mateo. Na recta final e quizais froito do cansazo dos locais, o Maniños foi chegando á área local con algunha chegada moi clara como un tiro a bocaxarro de Pedro que resolveu o meta local cunha gran parada. Xa na recta final cun Maniños que cheirou a posibilidade de levarse os tres puntos, despóis doutra boa parada do meta do Eume a remate de Julián, o balón chegou a Agras que abriu en banda para Santi que gañou a liña de fondo e o seu centro foi rematado ao bordo da área pequena por Agras poñendo o (2-3). O Eume tentou o empate máis co corazón que coa cabeza sen éxito. Expulsión nese tempo de Gonza por chegar tarde a un balón ao bordo da área e golpear involuntariamente a un rival. Sen máis que comentar e despóis de 5 larguísimos minutos de desconto finalizou o partido co coñecido e favorable (2-3) para os brancos. 

Vitoria de moito mérito para o Maniños que se aupa ao primeiro posto da táboa nesta xornada 12 nun partido moi difícil e ante un gran rival que levou aos brancos ao límite. Agora toca facelo bo no seguinte partido en casa ante un rival novo e de moita calidade como é o Ural Español CF. Será o domingo 1 á 16.30 H.

Parabéns equipo!!!

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

O FILIAL REPITE VICTORIA ANTE O CARNOEDO

Gran victoria do filial baixo un diluvio ante un dos bos equipos da clasificación como é o CF Carnoedo nun partido que quizás e polas condicións climatolóxicas non debeu disputarse. 

Nun partido que o difícil era permanecer en pe, o filial foi superior físicamente o que resultou definitivo para o desenlace do partido. Os rapaces de Chiqui parecen que deron coa tecra e a súa melloría e evidente tanto a nivel de xogo (o domingo moi difícil) como de resultados. De menos a máis como a tempada pasada. Agora a  intentar seguir medrando na clasificación. 

 Anotaron Aitor (2), Víctor e Raúl (2). 

Agora a traballar aún máis e no afloxar !!!

GO MANIÑOS

Acta do partido en www.futgal.es, preme aquí

Chiqui Dopico en www.radiofusion.gal, preme aquí

RESULTADOS DO FIN DE SEMANA (22-23-24) NOVEMBRO

PREBENXAMINES (X06): DESCANSAN
BENXAMÍN "A" (X06): DESCANSAN
BENXAMÍN "B" (X06): DESCANSAN
ALEVINES (X08):  CD Narón - Cultural Maniños (X)
INFANTILES (-): DESCANSAN
CADETES (-): DESCANSAN
XUVENILES (X10):  Cultural Maniños 3 - ACDR Narón O Freixo 3
FEMININO (X11): Cultural Maniños 1 (Lara Gorgullo) - Sporting Meicende 2
VETERANOS (X10):  DESCANSAN
AFICIONADOS - 3ª GALICIA (X11): Cultural Maniños 5 (Aitor (2), Víctor e Raúl (2)) - CF Carnoedo 2
AFICIONADOS - 1ª GALICIA (X12): Eume 2 - Cultural Maniños 3 (Christian, Santi e Agras)

HORARIOS DO FIN DE SEMANA (22-23-24) NOVEMBRO

 

DERROTA DO FEMININO NA SÚA VISITA A LUGO

O noso feminino caeu derrotado por (4-0) na sua visita a Lugo no seu enfrentamento co CD Lugo "B". Unhos fatídicos últimos minutos da primeira metade condenou ao equipo. A falta de acerto ante a portería rival non axuda.

Toca seguir traballando pois é a única forma de revertir a situación. Tamén sería importante ter un pouco máis de sorte coas lesións.

A levantarse!!! 

GO MANIÑOS

Acta do partido en www.futgal.es, preme aqui

Noelia Leiras e Tensi en www.futgal.es, preme aquí

GRAN TRIUNFO DO FILIAL EN IÑÁS

Gran victoria do noso Filial na sua visita a Iñas para enfrentarse ao Mercurio, SD.

O equipo levaba tempo moi preto de acadar resultados positivos pero sempre saía cruz e por fin cambio a cousa. Dominio do partido e iniciativa no marcador.

Un inspirado Raúl con 4 goles e Alex anotaron. 

Seguimos traballando e creendo!!!

 Parabéns!!! 

GO MANIÑOS

Acta do partido en www.futgal.es, preme aquí

Chiqui Dopico en www.radiofusion.eu, preme aquí

VICTORIA CLARA DOS MODESTOS ANTE O NUMANCIA

Vitoria do Maniños nun novo derbi de Ferrolterra neste caso ante o Numancia de Ares que viña en traxectoria ascendente como o demostraba o seu triunfo a xornada anterior ante o sempre difícil CCRD Perlío. 

O partido empezouse a decantar moi rápido pois apenas no minuto 2 de partido un resbalón dun dos centrais do Numancia foi aproveitado polo cazagoles Christian (4 nos últimos 3 partidos) para adiantar aos brancos. O partido seguiu nunha dinámica de control branco con constantes achegamentos á portería de David De Navas que demostrou a súa calidade pero que non puido facer nada no minuto 33 cando Miragaya sacouse da chistera un gran disparo desde longa distancia que entrou pola escuadra do meta aresano. Pouco despois Christian aproveitou unha xogada de rebotes na área visitante ao aproveitar unha asistencia coa cara de Miguel Segura. (3-0) no minuto 35 e salvo hecatombe partido resolvido comoa si foi. Nesta primeira parte os achegamentos aresáns se resumian nas xogadas a balón parado ben resoltas pola defensa branca. (3-0) e os equipos a repoñer forzas.

A segunda parte foi máis fea, menos ocasións de gol e un partido moito máis trabado. O Numancia apenas inquietou a meta do debutante Mateo e por parte do Maniños, control e dominio da pelota pero con poucas xogadas de perigo real, deixando dalgunha maneira correr o tempo sen que pasase nada sobre o terreo de xogo faltándolle quizais un pouco de ambición dando por bo o coñecido xa da primeira parte (3-0). 

Tres puntos para romper a "mala" dinámica resultado do empate ante o Meicende e a derrota nas Pontes e que permite aos brancos seguir enganchado aos postos de honra da clasificación. Próxima semana novo derbi, nesta ocasión coa visita a Pontedeume para enfrontarse a un dos "galiños" da competición como é o Eume Deportivo. Será o domingo á 17.00 H.

Parabéns equipo!!!

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS DO FIN DE SEMANA (15-16-17) NOVEMBRO

PREBENXAMINES (X06): Cultural Maniños - CMI Club Campo (2)
BENXAMÍN "A" (X06): Cultural Maniños - Narón Freixo  (X)
BENXAMÍN "B" (X06): Cedeira, SD - Cultural Maniños (X)
ALEVINES (X07):  Cultural Maniños - Eume (2)
INFANTILES (X09): Cultural Maniños 4 - SD Portuarios "B" 0
CADETES (X09): Cultural Maniños 6 - CMI Club Campo 2
XUVENILES (X09): CD Narón 6 - Cultural Maniños 5
FEMININO (X10): CD Lugo "B" 4 - Cultural Maniños 0
VETERANOS (X09):  ADIADO 
AFICIONADOS - 3ª GALICIA (X10): SD Mercurio 2 - Cultural Maniños 5 (Raúl (4) e Alex) 
AFICIONADOS - 1ª GALICIA (X11): Cultural Maniños 3 (Christian (2) e Miragaya) - Numancia, ADR 0

ÚLTIMAS PRESENTACIÓNS DAS NOVAS XOGADORAS DO FEMININO

Chegan as últimas presentacións de xogadoras que desde principio de tempada están botando unha man no feminino.  

• Lara Gorgullo
• Desi Álvarez
• Noelia Silvar

Gañas e ilusión non vai a faltar.

Grazas pola vosa confianza e benvidas!!!

Moita sorte !!!

GO MANIÑOS

HORARIOS DO FIN DE SEMANA (15-16-17) NOVEMBRO

 

OS VETERANOS SEGUEN SEN RACHAR A MALA DINÁMICA

 Nunha tarde chuviosa no estadio de O Pote, o Maniños enfrontouse ao Sporting Coruñés nun encontro frío, onde os equipos contaxiáronse do tempo atmosférico.

O resultado final foi de 1-2 a favor do Sporting, nun partido con poucas ocasións, que supuxo unha nova derrota dos brancos. Os veteráns non son quen de sacar a cabeza a flote e cambiar a dinámica na que se atopan inmersos.

O Sporting Coruñés abriu o marcador no minuto 18, cando o equipo branquiazul foi quen de introducir a pelota na portería branca tras unha serie de rexeites. O gol veu con polémica, pois o primeiro tiro do Sporting tralo córner petou fortemente na cara dun xogador do Maniños, que quedou aturdido, a pesar delo o xogo continuou e no seguinte rexeite veu o gol.

PARTIDAZO DO FILIAL ANTE O LÍDER SEN PREMIO

Derrota pola mínima do noso filial ante o líder da competición o Atlético San Pedro un equipo coñecido pois os últimos veranos xogáronse partidos de adestramento na pretempada do noso primeiro equipo. 

Non pudo ser porque os visitantes foron máis efectivos. A maiores o equipo quedou moi amolado pola pésima actitud arbitral. Este particular non debe afectar ao equipo pois é unha cuestión que non pódese controlar.  

Os nosos melloran día a día aunque de momento non da para sumar máis puntos pero esta é a línea a seguir. Unha bagoa... 

Anotaron Manu e Marco. 

Toca seguir traballando que estase a pique de que esto cambie. 

GO MANIÑOS

Acta do partido en www.futgal.es, preme aquí

Chiqui Dopico en www.radiofusion.eu, preme aquí

O FEMININO NON ACABA DE ARRANCAR

O Feminino segue sen acertar coa tecra da efectividade para poñer o rumbo correcto na competición o que se pudo verificar ante un rival de "su" liga como é o UDJ Almeiras. Dous erros defensivos facilitaron os goles das visitantes e pese o intento de remontar o partido só púdose acortar distancias por mediación de Lore pero finalmente non foi posible. 

O peor a lesión de Olaya que acudeu ao hospital para facer as probas oportunas. Que non sexa nada!!!

De novo a remolque no marcador e así e moi complicado. 

Non hai que tirar a toalla que está todo moi igualado!!! 

GO MANIÑOS

Acta do partido en www.futgal.es, preme aquí

Noelia Leiras en www.radiofusion.eu, preme aquí 

UN MAL SEGUNDO TEMPO CONDENA AOS MODESTOS

Golpe de realidade para o Maniños que non se atopou cómodo en ningún momento en O Poboado nunha visita esquecida a este estadio xa que a gran traxectoria do equipo das Pontes imposibilitou enfrontamentos ao non coincidir en Liga e non darse emparellamentos copeiros. O Poboado, un escenario histórico cun campo de herba natural nunhas condicións óptimas para a práctica do fútbol pero onde o Maniños non foi capaz de atoparse sufrindo unha derrota quizáis inesperada pero xusta tal e como foi o partido. 

Intre do partido no Poboado

A primeira parte foi igualada, de poder a poder con ocasións para ambolos equipos e cun maior control do partido do feneses pero foron os locais os que chegaron con máis perigo sen acerto no remate. O campo estaba rápidísimo e víase que isto se podía romper en calquera momento pero se chegou ao descanso co (0-0) inicial.

Foi unha presión na saída do balón cando os locais recuperaron un balón e o mugardés Herba puxo o (1-0), un gol que foi un golpe moi duro para o Maniños que tentou reaccionar pero pouco despois un balón golpeou na man dun defensor visitante e o Colexiado sinalou o penalti que transformou de novo Herba. Con este resultado o Maniños foise cara adiante e así Christian dun gran cabezazo nunha xogada a balón parado recortou as distancias e con 20 minutos por diante. Pero o gozo nun pozo, unha nova indecisión defensiva e de novo os locais anotaron por mediación de Saúl. Parecía o partido sentenciado pero de novo Pedro acurta distancias con outro cabezazo a pelota parada. De novo no partido e con opcións de polo menos sacar un punto pero de novo unha nova indecisión que foi aproveitada por Alexandre para o equipo local e marcar o cuarto e definitivo gol sentenciando desta vez finalizando o partido co coñecido (4-2).

Toca pasar páxina, aprender dos erros e tirar cara adiante. Domingo visita O Pote o Numancia nun novo partido de rivalidade e hai que recuperar a boa senda e romper a dinámica na que está metida o equipo e da que hai que saír xa.

Seguimos!!!

GO MANIÑOS

Acta do partido en www.futgal.es, preme aquí

Adrián Martínez en www.radiofusion.eu, preme aquí

RESULTADOS DO FIN DE SEMANA (8-9-10) NOVEMBRO

PREBENXAMINES (X05): Cedeira, SD "B" - Cultural Maniños (X)
BENXAMÍN "A" (X05): Numancia, ADR - Cultural Maniños (1)
BENXAMÍN "B" (X05): Cultural Maniños  - CD Narón (1)
ALEVINES (X06): DESCANSAN
INFANTILES (X08): Eume 2 - Cultural Maniños 3
CADETES (X08): CCRD Perlío 3 - Cultural Maniños 0
XUVENILES (X08): Libunca, SD 3 - Cultural Maniños 1
FEMININO (X09): Cultural Maniños 1 (Lore) - UDJ Almeiras 2
VETERANOS (X08):  Cultural Maniños 1 (Ramón) - Sporting Coruñés 2 
AFICIONADOS - 3ª GALICIA (X09): Cultural Maniños 2 (Manu e Marco) - Atlético San Pedro 3
AFICIONADOS - 1ª GALICIA (X10): CD As Pontes 4 - Cultural Maniños 2 (Christian e Pedro)

ÁNGEL OPERADO O PASADO VERNES

O pasado vernes pola maña pasou polo quirófano o noso xogador Ángel López para solventar a súa luxación acromio clavicular que requireu ciruxía.

Todo saeu ben con os problemas habituais post operación, se encontra ben pendente e xa se encontra no seu domicilio. 

Agora a recuperar ben!!! 

Moitos ánimos!!!

HORARIOS DO FIN DE SEMANA (8-9-10) NOVEMBRO

 

O FEMININO É GOLEADO EN TORDOIA

Derrota contundente do feminino na súa visita a Tordoia ante un bo rival que sen dúbida estará nos postos de honra da clasificación. Xa na primeira parte o partido quedou sentenciado. O equipo foi mermado pola ausencia da porteira Lara ocupando o seu lugar Sofía a quén hai que agradecer o seu compromiso co equipo.

Non queda outra que levantarse, pasar páxina e mirar para o seguinte partido. 

Unha batalla perdida pero seguimos en pé! 

Vamos Equipo!!!

GO MANIÑOS

Acta do partido en www.futgal.es, preme aquí

Noelia Leiras e Antía Meis en www.radiofusuion.eu, preme aquí

INXUSTA DERROTA DO FILIAL

Derrota inxusta do filial que mereceu moito máis na súa visita ao Campo dos Pinares de  Brexo Lema para enfrentarse ao Bribes CF. Mellor fútbol dos brancos pero mellor efectividade local e o que vale no fútbol é o gol...

Non acaban de chegar os resultados pero si melloran as sensacións polo que non hai que desesperar... Esto é unha carreira de fondo !!! 

O peor ao marxen da derrota foi a lesión sufrida por Víctor Roca tras sufrir unha forte entrada no transcurso do partido. O xogador tivo que ir ao hospital esperando que a cousa quede nunha forte contusión. Ánimo Víctor!!!

GO MANIÑOS

Acta do partido en www.futgal.es, preme aquí

Chiqui Dopico en www.radiofusion.eu, preme aquí

XUSTO EMPATE DOS MODESTOS NUN PARTIDO DE PODER A PODER

Había expectación de fronte ao partido que disputaron na tarde do domingo o primeiro e o terceiro clasificado da táboa que aínda que a estas alturas da tempada é algo meramente circunstancial non deixa de reflectir o bo comezo de tempada de ambolos equipos. E o certo é que o partido non defraudou a ninguén, partido de poder a poder e onde o empate fixo xustiza ao visto sobre o terreo de xogo. 

Respetuoso minuto de silencio polos afectados
pola Dana (Foto: Aithor Regueiro)

O partido comezou cun Maniños dominador e que tivo un par de ocasións moi claras, unha de Gonza con gran resposta do meta visitante e outra clara de Miragaya de cabeza. O partido a partir de aí abriuse cun equilibrio grande de forzas. Unha ocasión clara dos visitantes que golpearon o traveseiro tras unha xogada confusa na área local deu lugar a un partido igualado e pelexado cada un coas súas armas, sen equipo dominador nin dominado, Tampouco grandes ocasións de gol pero con sensación de perigo de cada un dos equipos cando se achegaban ás áreas. Sen máis alteracións no marcador o partido foise ao descanso co marcador inicial. 

Santi entrando na área visitante
(Foto: Aithor Regueiro)

A segunda parte moveuse nos mesmos parámetros, con menos chegadas claras por ningún dos dous equipos que parecía que asinaban o empate (0-0) inicial. Cando máis igualado estaba o partido un centro lateral á área branca, o dianteiro visitante comete unha clara falta sobre o defensor que o árbitro Iago Expósito non sinalou acabando a xogada co gol do Sporting Meicende. Fallo groseiro do Colexiado que iso si, non dubidou en sacar tarxeta amarela a un xogador local por reclamar a falta. Nada novo. Afortunadamente para os intereses brancos os cambios efectuados deron novos folgos e así un balón maxistral de Josiño chega a Christian que cun potente disparo supera ao meta visitante poñendo as táboas que ao cabo foi o resultado definitivo (1-1) co que finalizou o partido. 

Intre do partido
(Foto: Aithor Regueiro)

Empate que deixa un sabor agridoce aos brancos que tentaron levarse os tres puntos ata o final, que se viron agraviados por un grave erro arbitral que custou un gol pero ao mesmo tempo foi capaz de recompoñerse e por enésima vez esta tempada tocou remontar aínda que finalmente a cousa quedou a medias. Con todo hai que recoñecer que é un punto de mérito ante un gran rival que sen dúbida e como xa demostrou a tempada pasada estará nos postos altos da táboa. 

Agora toca facer bo o punto no seguinte partido visitando un campo histórico como é O Poboado para enfrontarse a todo un CD As Pontes, equipo de gran renome non só a nivel local senón de toda Galicia que chegou a disputar unha fase de ascenso a Segunda División A (a actual Liga Hypermotion). Partido de fortes emocións e onde habra que ir ao 100% para sacar algo positivo.

Confianza total neste equipo!!!

IMOS !!!

GO MANIÑOS

Acta do partido en www.futgal.es, preme aquí

Adrián Martínez en www.radiofusion.eu, preme aquí