HORARIOS DO FIN DE SEMANA (20-21-22) SETEMBRO

 

DEBACLE DO FILIAL EN CAMBRE

Abultada derrota do Filial na sua visita ao Dani Mallo de Cambre nun partido no que non tivo ningunha opción ante un potente rival como é o filial do Sporting Cambre. Co partido decidido anotaron Aitor e Marco.

Cun resultado así, poco que engadir... toca pasar páxina e pensar no seguinte partido.

Moito traballo que facer e moito que mellorar... 

GO MANIÑOS

Acta do partido en www.futgal.es, preme aquí

Chiqui Dopico en www.radiofusion.gal, preme aquí

DECEPCIÓN DOS VETERANOS PARA COMENZAR A LIGA

Derrota dos brancos no primeiro partido da tempada, nun partido no que os ataques impuxéronse case sempre as defensas.

O partido comezaba cos veteráns acuados, incapaces de xerar unha saída de balón limpa.

Pronto foi o Hércules quen se puxo por diante no minuto 6 nun córner mal defendido. Seguiu sufrindo o Maniños, quen a pesar do dominio visitante foi quen de empatar o partido nunca xogada aislada na que Javi Rico marcou un golazo dende fora da área.

O empate non espabilou os brancos que dous minutos despois encaixaban o 1-2 noutro despiste do conxunto de Jaime.

O tanto espertou do soño, por fin, o equipo do Pote que disputou os seus mellores momentos de fútbol nos últimos 20 minutos da primeira parte, sendo capaz de empatar o partido e ser superior o rival, o que meteu no seu campo, mentras estes soamente eran soamente capaces de saír o ataque con balóns longos.

Foi nun penalti, con incertume pois houbo que repetilo, cando Ricardo empataría o partido.

A pesar do xogo nestes minutos, cada balón as costas da defensa non deixou nunca de supoñer un problema, que, co equipo en tromba, deixaba a defensa en un 1 para 1 perigoso. 

Nun destes balóns longos, unha loita do dianteiro na que este se impuxo a línea defensiva,  suporía o 2 a 3 que volvía a poñer por diante o Hércules.

Desánimo no Maniños, que a pesar do golpe tras golpe, seguiu intentando xerar perigo.

Foi tras unha boa combinación dende a dereita e un pase en profundidade para Javi Rico, quen de novo era quen de ganarlle as costas a defensa, cando o brancos marcaban outro novo empate. 

Chegaba o descanso, 3 a 3 e certo desconcerto no equipo do Pote, que mostraba boas maneiras co balón, pero que non era capaz de contrarrestar os ataques do equipo rival, nos que case sempre saiu perdedor.

Comezaba una segunda parte mas igualada, e con menos ocasións, cun Maniños intentando ser protagonista, pero con menos ideas que no final da primeira parte, e un Hércules máis acuado e saíndo a contra con balóns longos; Os problemas continuaban no mesmo punto e os brancos sufrían cada acometida dos negro-amarelos.

Foi no 75, cando nun ataque dende a esquerda, o xogador do Hércules foi capaz de realizar un eslalon entre xogadores do Maniños, quenes foron incapaces de roubar un balón que se converteu no 3 a 4.

Trataron de repoñerse os locáis por cuarta vez, pero sen sorte, esta vez foi incapaz de concretar as moitas ocasións xeradas.

Nos derradeiros minutos, e xa volcado contra a portería visitante, nun despexe do Hércules, un rexeite poría o balón franco para o dianteiro negro-amarelo que non erraría fronte o porteiro.

Mal partido do Maniños, que foi incapaz durante todo o partido de defender as acometidas do Hércules. As boas sensacións con balón, quedaron totalmente opacas polas malas sen él e toca analizar e compensar o equipo para poder sumar canto antes.  

GO MANIÑOS

(Por Javi Pedreiras)

Acta do partido en www.futgal.es, preme aquí

DURA DERROTA DO FEMININO EN BREXO

O Feminino saeu derrotado da súa visita a o Campo dos Pinares de Brexo Lema ante as locais. Pouco se pudo facer ante un equipo más feito e que non deu opción as nosas. Equipo, o noso, con moitas caras novas, xuventude e inexperiencia que ten que facerse a categoría. Traballo e paciencia...

Esto só acaba de comenzar!!! 

Vamos equipo!!! 

GO MANIÑOS

Acta do partido en www.futgal.es, preme aquí

Noe Leiras en www.radiofusion.eu, preme aquí

VICTORIA DOS MODESTOS ANTE UN GRAN SPORTING CAMBRE

Gran partido o celebrado na tarde do domingo entre o noso equipo e o Sporting Cambre que despóis de sufrir ata o final a tempada pasada, na presente a súa versión é moi mellorada deixando moi boas sensacións a pesar de a súa derrota en O Pote. 

Empezaron os visitantes asoballando, cun ritmo altísimo onde os brancos sufrían porque non se atopaban no campo. Era claro que ese ritmo era prácticamente imposible de manter e cando parecía que a tormenta futbolística visitante estaba amainando, o seu xogador Loui anota un golazo desde aproximadamente 55-60 metros ao efectuar un golpeo plano que sorprende a Marcos que a pesar de que retrocede rapidamente non pode facer nada para evitalo. Felicitacións ao xogador do Sp. Cambre. O gol reactivou ao Maniños que foi de menos a máis e a partir de ese momento empezou a controlar o partido coa sorte de empatar rapidamente tras unha boa manobra de Caio na área pequena, Santi moi oportunista puxo as táboas no marcador. Pouco después un balón en profundidade de Agras a Santi este cédella a Pedro que nun un para un cun defensa, supérao e bate ao meta visitante cun disparo raso e cruzado. (2-1) antes da primeira media hora.

A segunda parte foi moi igualado aínda que con certo control do Maniños sobre o ritmo do partido. Ningún dos dous equipos dispuxo de numerosas ocasións de gol pero algunha e especialmente por parte local moi clara pero foi finalmente Ángel que aproveitou unha gran xogada combinativa entre Miragaya e Adri con pase deste ao 22 branco que bateu por baixo ao meta visitante. De aquí ao final o Maniños deixou pasar os minutos que xunto á expulsión dun xogador visitante fixo que os brancos non sufrisen demasiado finalizando o partido co coñecido (3-1).

Tres puntos importantes ante un bo equipo, moi mellorado con respecto á anterior tempada. O domingo novo partido en casa ante o Galicia de Caranza, outra boa pedra de toque ante o talentoso equipo ferrolán.

Bo traballo equipo !!!

GO MANIÑOS

Acta do partido en www.futgal.es, preme aquí

Adrián Martínez en www.radiofusion.eu, preme aquí

RESULTADOS DO FIN DE SEMANA (13-14-15) SETEMBRO

FEMININO (X01): SD Brexo Lema 6 - Cultural Maniños 0
VETERANOS (X01):  Cultural Maniños 3 (Javi (2) e Ricardo) - Hércules, SD 5
AFICIONADOS - 3ª GALICIA (X01): Sporting Cambre "B" 9 - Cultural Maniños 2 (Aitor e Marco)
AFICIONADOS - 1ª GALICIA (X02): Cultural Maniños 3 (Santi, Pedro e Ángel) - Sporting Cambre 1

HORARIOS DO FIN DE SEMANA (13-14-15) SETEMBRO

 

PRIMER E ÚLTIMO TEST DO FEMININO NA PRETEMPADA

Boa tarde de fútbol feminino no Pote coa celebración do 3x1 que sirveu de presentación do noso equipo. Boas sensacions e conclusións positivas. 

Resultados: 

Estrella 1 - Caranza 2 

Maniños 4 - Estrella 0 

Caranza 0 - Maniños 2

Equipo feminino no triangular

Con moitas caras novas pero con a ilusión de todos os anos do noso feminino neste inminente arranque ligueiro onde Noelia Leiras e Pablo Iñiguez estarán ao frente dun equipo que debutará o próximo domingo en Os Pinares de Brexo Lema a partir das 19:30 H. 

Moita sorte equipo!! 

GO MANIÑOS

DERROTA DOS MODESTOS NO DEBUT LIGUEIRO

Non foi o mellor comezo de liga para os modestos que caeron derrotados pola mínima no derbi fenés e ante o CCRD Perlío que soubo aproveitar mellor as opcións que tivo para sumar os tres puntos neste arranque ligueiro.

Para resumir un pouco e en liñas xerais o que foi o partido, dentro dunha gran igualdade entre ambos os equipos, unha xogada puntual illada ao bordo do descanso foi aproveitada por un dianteiro dos locais que se fixo cun balón ás costas do último central e o porteiro para superalo na súa saída e a portería baleira poñer o que foi ao cabo o (1-0) definitivo. 

Adri nos Pinares (@Bisbarraenxogo)

Na segunda parte varias ocasións para ambos os lados pero que ningún dos equipos foi capaz de anotar e no que o oficio dos locais permitiu superar os brancos que non estiveron cómodos en ningún momento. Finalmente vitoria local que leva o primeiro derbi da tempada.  

Toca levantarse e adestrar duro para afrontar o seguinte partido da tempada que será ante o Sporting Cambre que sumou os tres primeiros puntos da tempada ao superar na xornada inicial ao CD As Pontes.

A seguir traballando para mellorar!!!

GO MANIÑOS 

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS DO FIN DE SEMANA (6-7-8) SETEMBRO

CADETES (AMISTOSO): Cultural Maniños 1 - SDR Neda 2
FEMININO (3x1 AMISTOSO): 
Estrella CF 1 - Galicia de Caranza 2
Cultural Maniños 4 - Estrella CF 0
Galicia de Caranza 0 - Cultural Maniños 2
AFICIONADOS - 1ª GALICIA (X01): CCRD Perlío 1 - Cultural Maniños 0

HORARIOS DO FIN DE SEMANA (6-7-8) SETEMBRO

OS VETERANOS APEADOS DA COPA NUN IGUALADO PARTIDO

Gran partido o disputado en O Pote na mañá de domingo entre Cultural Maniños e o SDC Teixeiro. 

O partido comezou igualado, o Teixeiro controlaba un pouco máis a pelota , pero o Maniños atopábase cómodo e saía con perigo cada vez que podía. Non foi ata minuto 30, cando un erro na saída de balón do Maniños, pillou á defensa descolocada e o Teixeiro foi capaz de combinar con acerto e marcar o primeiro. O Maniños non se amedrentou e pronto conseguiu empatar o partido nun gran centro desde a dereita de Mon que rematou con acerto Javi Rico. Iamos ao descanso con 1-1 e boas sensacións para o Maniños, que loitaba de ti a ti a un rival tres categorías superiores.

Comezaba a segunda parte cun Maniños descolocado e desorientado, que provocou varias accións de perigo do Teixeiro, que saíu a morder. Con todo, non foi ata que se atopou cunha falta moi dubidosa na frontal cando foi capaz de poñerse por diante; Golazo. Os brancos trataron de retomar o pulso ao partido e subiron a presión a 3/4 de campo, a presión parecía funcionar, pero creaba moito perigo cando o Teixeiro era capaz de sobrepasar esa primeira linea de presión do Maniños. Nunha desas xogadas o interior esquerdo do Teixeiro, realizou unha condución, podendo chegar á área onde os brancos víronse abocados a realizar penalti. A boa estirada de Walter, que mesmo chega a tocar o balón ,non puido evitar o gol. Nada ía afundir aos brancos, que lonxe de renderse, decidiron irse arriba sen descanso. Rondabamos o minuto 34 da segunda cando un balón en profundidade Javi Pedreiras a Javi Rico, converteríase no 2-3 cun bonito gol de vaselina. Seguía insistindo o Maniños en ataque e dispuxo de innumerables ocasións de poder igualar o partido; Mon, Deus, Michu ou Mato puideron empatar o partido pero non houbo sorte e o balón non regalou esa alegría aos brancos. Xa nas postrimerías do partido un balón longo, un cabezazo ás costas e unha carreira gañada polo Teixeiro puxo o 2-4 definitivo.

Bo partido de Maniños que loito cada balón e estivo sempre no partido, podendo mesmo chegarse a poñer por diante en varias ocasións. 

A seguir sumando!

GO MANIÑOS

(Por Javi Pedreiras)

PARTICIPACIÓN DOS CADETES NO TORNEO ORGANIZADO POLO CF MANDIÁ

Os nosos cadetes participaron nun clásico da pretempada pois un ano máis xogaron o torneo organizado polo CF Mandiá na súa séptima edición. 

Sen dúbida bo campionato do cadete chegando a semifinais caendo na sorte (o mala sorte) dos penaltis ante a SD Ánimas que posteriormente caerian na final tamén aos penaltis ante o campión, SCDR Narón Freixo.

A seguir traballando nos adestramentos para seguir mellorando!!!

Agradecer a organizacion polo bo desenvolvemento do torneo e excelente trato!!!

GO MANIÑOS

DERROTA ANTE O XUVENIL DO RACING PARA DESPEDIR A PRETEMPADA

Último test da pretempada para os modestos e 1a derrota ante os xuvenis do Racing Club Ferrol que demostraron todo o potencial que teñen. O resultado (0-3) deixa ben as craras o acontecido no verde.

Punto e final as probas. 

A semana que ven empeza o bo. A dalo todo!! 

GO MANIÑOS