I TROFEO CONCELLO DE FENE

A Concellería de Deportes organiza o I Trofeo Triangular Concello de Fene. 

O campo do Cultural Maniños (O Pote) acollerá o vindeiro 10 de agosto o Trofeo de Fútbol “Concello de Fene” no que tomarán parte a S.D.Barallobre, o Cultural Maniños S.D. e o C.C.R.D. de Perlio.

Máis información na páxina oficial do Concello de Fene, preme aquí

ESPERÁMOSTE !!!

MÁIS RENOVACIÓNS NO EQUIPO FEMININO

Seguimos coas renovacións no equipo feminino de cara a tempada 2024/25.

Catro xogadoras máis que axudarán a facer un bloque competitivo... Habrá máis...

Nova tempada, novo reto...

Mil gracias pola vosa confianza!!!

GO MANIÑOS

MOVEMENTOS NO EQUIPO DE VETERANOS

Coa inscrición do equipo para a próxima tempada onde se competirá en 3ª división, confírmase a continuidade dun gran número de xogadores da tempada anterior así como a do guía do grupo, Jaime Montero, xa que o seu compañeiro de fatigas da tempada anterior, Miguel Paredes, terá outras funcións dentro do organigrama do Club. 

Todalas novidades neste grupo serán comentadas detalladamente.

O que se se poden confirmar son as baixas oficiales do equipo:

• Javi Allegue
• Fran Casteleiro
• Jonathan Crego
• Javi Díaz
• Víctor Díaz
• Guillermo Fernández
• Ángel Montenegro
• Marcos Sánchez
• Fabrizio Orellana

A todos eles lles desexamos no futuro a mellor das sortes tanto a nivel deportivo como sobre todo persoal. 

Gracias a todos polo voso esforzo e compromiso!!!

GO MANIÑOS

SEGUIMOS COAS RENOVACIÓNS DO EQUIPO FEMININO

Seguimos coas renovacións no equipo feminino de cara a tempada 2024/25.

Catro xogadoras que representan e dignifican o noso escudo.

Nova tempada, novo reto...

Mil gracias pola vosa confianza!!!

GO MANIÑOS

MIGUEL SEGURA, XUVENTUD E TRABALLO PARA A BANDA ESQUERDA

Miguel Segura

Miguel Segura Rodríguez (Miguel) convértese na última incorporación do Cultural Maniños e que do mesmo xeito que Marcos Piñeiro, Julián Pardo e Santi Díaz afronta a súa primeira tempada Senior.

Este naronés nado en 2005 empezou nas categorías de base de F8 do CD Narón permanecendo no equipo amarelo ata acabar o seu último ano alevín onde gaña liga e copa. Ao pasar ao F11 vístese de verde fichando polo Racing Club Ferrol onde permanece tempoarada e media xa que a segundo volta ficha polo RC Deportivo da Coruña onde permanece dúas tempadas e media, proclamándose no seu último ano cadete, campeón de liga de División de Honra. No seu paso a xuvenís volta ao Racing de Ferrol donde permanece un ano, no seu segundo ano ficha polo CD Calasanz da Coruña para esta última tempada defender as cores do SDCR Narón O Freixo co que se proclamou campión de Liga con ascenso á nova Liga provincial. Este verán comenzará o seu ciclo en modestos vestido de branco.

Xogador intelixente, traballador, bo golpeo de balón e con chegada pode xogar en calquera posición da banda esquerda aínda que onde está máis habituado a xogar e onde está máis cómodo é no posto de lateral esquerdo aínda que sen dúbida a súa polivalencia axudará ao equipo en distintas posicións. Por tanto e como xa se dixo de outras nova incorporacións, importante reforzo que aumenta a competividade no grupo.

Moita sorte nesta nova etapa !!!

MIGUEL, BENVIDO A MANIÑOS

GO MANIÑOS

AGRADECEMENTOS

Desde o Cultural Maniños queremos dar as grazas por todas as mostras de agarimo recibidas tanto por amigos, particulares, Clubs e incluso por la RFGF en relación ao triste falecemento do noso xogador, amigo e compañeiro Iván Casal Pardo.

Honraremos a súa memoria.

Grazas

FALECEU IVÁN CASAL PARDO

Lamentamos profundamente ter que comunicar unha nova que nos parte a alma pero coa obrigación de dicir que o noso xogador, amigo e compañeiro IVÁN CASAL PARDO faleceu esta madrugada.

Desde aquí mandar unha fortísima aperta aos seus amigos e achegados, familiares  e moi especialmente aos seus pais nestes dificilisimos momentos.

Iván, Nunca te esqueceremos!!!

DEP

RENOVACIÓNS NO EQUIPO FEMININO

Empezamos coas renovacións no equipo feminino de cara a tempada 2024/25.

Catro xogadoras que representan e dignifican o noso escudo. 

Nova tempada, novo reto... 

Mil gracias pola vosa confianza!!!

GO MANIÑOS

(Fotos: @Bisbarraenxogo)

JOSIÑO, COMPROMISO E TRABALLO AO SERVIZO DO EQUIPO

Jose Manuel Martínez "Josiño"

Jose Manuel Martínez Toimil (Josiño), convirtese en novo xogador do Cultural Maniños despois dunha vida enteira ligada ao Galicia de Mugardos, o seu único Club desde que empezou no fútbol demostrando unha lealtade e fidelidade a unhas cores digna de envexa e admiración.

Este mugardés nado en 1998 comezou aos 5 anos no Club da súa Vila e permaneceu no mesmo ata este verán (2003-2024) ascendendo polas súas diferentes categorías de bases sendo reseñable o Premio Voltaaría ao mellor xogador da liga Local Xuvenil (2016/17), o seu debut sendo xuvenil no primeiro equipo do Galicia de Mugardos (2016) que por aquel entón xogaba en 3.ª División (actual 3.ª RFEF) xogando tamén para os verdes en 1.ª Rexional para posteriormente xogar para o  seu filial cun pequeno parón para volver ao mesmo equipo finalizando a súa vinculación ao terminar esta tempada.

Xogador serio, comprometido, traballador e sobre todo de equipo ao que lle gusta pelexar por mellorar o equipo para conseguir os mellores resultados. Ocupa preferentemente posicións no medio do campo, en zonas de creación, elaboración e finalización de xogo estando máis cómodo nas fases fináis achegando rapidez e xerando ocasións de gol. Por tanto importante reforzo para o equipo que como noutros casos aumenta a competividade no grupo.

Moita sorte nesta nova etapa !!!

JOSIÑO, BENVIDO A MANIÑOS

GO MANIÑOS

NOELIA LEIRAS NOVA ADESTRADORA DO EQUIPO FEMININO

Pablo Iñiguez e Noe Leiras

Noelia Leiras Sanjurjo (Noe) será a adestradora do equipo feminino do Cultural Maniños que por segunda tempada consecutiva competirá na Segunda División Galega, e que virá cubrir a baixa de Juanjo Cebolo que como xa se confirmou nunha entrada anterior abandona a disciplina branca.

Noe que ao acabar a pasada tempada 2023/24 colgou as botas xa atesoura experiencia nos bancos pois adestrou ao equipo da Liga Promesas do SDCR Narón O Freixo e ao senior do Racing Club Ferrol ambos na modalidade de Fútbol 8. En Fútbol 11 formou parte do Corpo Técnico na base do Eume Deportivo. 

Esperando a confirmación do seu axudante no banco branco, tamén formará parte do mesmo e como Delegado do equipo outro home da casa como é Pablo Iñiguez (Pablo) que se incorpora ao grupo de traballo que guiará ao persoal branco o próximo curso. Moito traballo por diante...

Moita sorte nesta nova etapa !!!

UN PRACER SEGUIR CONTANDO CONVOSCO EN MANIÑOS

GO MANIÑOS

MARCOS AMADO NOVO GARDIÁN DA PORTERÍA BRANCA

Marcos Amado

Marcos Amado Pereira (Marcos) convértese en novo reforzo do plantel branca e vén cubrir unha baixa tan importante como é a de Abraham Santos, toda unha institución en O Pote que como xa sabemos ao finalizar a pasada tempada colgou as botas. Marcos vén a completar a portería branca que xunto a Mateo e Xabi queda perfectamente cuberta. 

Marcos, ferrolán de 23 anos, comezou de moi pequeno na canteira do Racing Club Ferrol onde permaneceu 13 anos (desde os 3 ata os 16 anos) onde foi pasando polas diferentes categorías do Club con ascensos incluídos a Liga Galega en infantís e cadetes. Acabada a súa etapa de cadetes e co seu paso a xuvenís, cambio de equipo sendo Sinde a súa seguinte parada onde xoga 3 tempadas defendendo ás cores da SD O Val, sempre en Liga Galega ascendendo na súa terceira e última tempada a Liga Nacional que non puido disfrutar.

Ascenso a modestos na tempada 2019/20 permanecendo ata a tempada 2023/24 (pandemia polo medio) sendo neste último curso onde a entidade de Sinde firma unha tempada histórica sendo Campión de Liga e Copa de Ferrolterra co añadido do ascenso a Rexional Preferente. Máis de 120 partidos defendendo a elástica da SD O Val. Case nada !!! Agora incorpórase ao Cultural Maniños para competir na sempre esixente Primeira Galicia.

Marcos, é un porteiro que coñece de sobras a categoría e que destaca polos seus reflexos, velocidade baixo paus, explosividade e gran golpeo de balón que engadirá calidade e competencia á portería branca que loxicamente traerá consecuencias positivas ao equipo.

Moita sorte nesta nova etapa !!!

MARCOS, BENVIDO A MANIÑOS

GO MANIÑOS

MIGUEL AGRAS, SACRIFICIO E XOGO AÉREO PARA O MEDIO DO CAMPO BRANCO

Miguel Agras

Miguel Agras López (Agras) convértese no 4.º reforzo branco para a presente tempada e a diferenza dos compañeiros presentados anteriormente, con experiencia na categoría pois esta que comeza será a súa cuarta tempada senior.

Nado en Ferrol no 2002, apunto de cumprir 22 anos, empezou no Racing San Pedro co que se proclamou campión de Liga e Copa de benxamines. O paso ao fútbol 11 fíxoo no Racing Club Ferrol onde estivo dúas tempadas retornando ao Racing San Pedro ata o segundo ano de xuvenís asinando na SD O Val onde permaneceu ata finalizar esta etapa xogando ambos anos na Liga Nacional. Ao pasar a modestos incorpórase ás filas do Galicia de Mugardos alternando A e B, as dous primeiras no filial verde para esta última formar parte do primeiro equipo dos da Pedreira.

Xogador que adoita ocupar as posicións de mediocentro defensivo (onde xogou máis habitualmente) ou central zurdo. Xogador con gran capacidade de sacrificio, pelexando cada balón e cun potente xoga áereo. Agora incorpórase ao Cultural Maniños para reforzar e xerar competitividade ao medio do campo branco.

Moita sorte nesta nova etapa !!!

AGRAS, BENVIDO A MANIÑOS

GO MANIÑOS

RUBÉN FEAL UN REFERENTE DA CANTEIRA BRANCA ABANDONA O CLUB

Pendentes do que suceda coa Terceira Galicia da Delegación de Ferrol e do futuro do segundo equipo da entidade, podemos confirmar a marcha de Rubén Feal Vilar (Rubi) un xogador que desenvolveu practicamente a súa carreira deportiva na base branca e que foi subindo polas diferentes categorías ata chegar ao filial da entidade onde levaba dúas tempadas sendo sempre un dos líderes e portando o brazalete de capitán, facendo a pretemporada e adestrando habitualmente cos modestos chegando a debutar en Primeira Galicia. Intachable comportamento durante todos estes anos.

Rubén Feal (Rubi)
(Foto: @uxiacalvophoto)

Agora Rubén decidiu aproveitar a oportunidade que lle ofrece outro equipo de Primeira Galicia e aceptar o reto. Desde aquí só desexarlle a mellor das sortes ao bo de Rubén nesta nova etapa deportiva e por suposto a nivel persoal. Iso se esperamos recibir a súa visita en O Pote, a súa casa, tanto a el como á súa Familia moi queridos por todos os que conforman o Cultural Maniños. 

Grazas por estes anos no Club !!!

Moita sorte Rubén !!!

SANTI DÍAZ, GOL E INTENSIDAD PARA A DIANTEIRA BRANCA

Santi Díaz

Santiago Díaz González (Santi) convértese nun novo referente ofensivo para acompañar e aumentar a competitividade entre o resto de puntas brancos que a bon seguro xerará en beneficio do equipo. Nado en Cabanas en 2005 afrontará do mesmo xeito que o seu compañeiro no SDCR Narón O Freixo, Julián e de Marcos Piñeiro a súa primeira experiencia en modestos.

Comenzóu a xogar a fútbol na EF Cabanas para pasar ao Galicia de Mugardos onde en categoría alevín coincidiu co actual adestrador de modestos do Maniños, Adrián. O Racing Club de Ferrol foi a súa seguinte etapa en categoría infantil para dar o salto en cadetes a unha das canteiras máis prestixiosas de Galicia como é a do RC Deportivo da Coruña, o primeiro ano nas filas do vinculado San Tirso CF para na segunda tempada formar parte do propio Depor co que se proclamou Campión de Liga de División de Honra. De novo volta ao Racing de Ferrol onde xogou dúas tempadas no seu equipo xuvenil para este último curso formar parte do SDCR Narón O Freixo no que alternou o equipo xuvenil co que se proclamou Campión de Liga con ascenso a Liga Provincial e o senior co conseguiu a permanecia en 2.ª Galicia.

Aínda que é un xogador polivalente na banda onde pode ocupar varias posicións é dianteiro onde realizou as súas mellores prestacións sendo un xogador moi intenso non exento de gol polo que falamos dun xogador que pode achegar moito ao equipo. Non temos ningunha dúbida ao respecto.

Moita sorte nesta nova etapa !!!

SANTI, BENVIDO A MANIÑOS

GO MANIÑOS

JULIÁN PARDO CREATIVIDAD AO SERVIZO DO MANIÑOS

Julián Pardo

Julián Pardo García (Julián) convértese nunha nova incorporación para o primeiro equipo do Cultural Maniños para a próxima tempada. Nado en Ferrol no 2005 afrontará en O Pote a súa primeira tempada de modestos.

Formado nas categorías inferiores do Racing Club Ferrol foi subindo polas diferentes categorías da entidade verde, gañando Ligas e Copas en F8 xa en F11 competindo en ligas Galegas e Nacionáis.

Despois dunha primeira tempada de xuvenís no Racing, cambio de equipo pasando a defender as cores da SDCR Narón O Freixo xogando a práctica totalidade dos partidos sendo Campión de Copa de Ferrolterra na tempada 2022/23 e gañando a liga a presente tempada con ascenso á recentemente creada Liga Provincial perdendo o ascenso a Liga Galega nun mal día en Ríoseco ante o Marino de Mera. E Agora e unha vez pechada a etapa formativa como xe dixo antes, súmase ao Cultural Maniños da Primeira Galicia.

Xogador capaz de xogar en varias posicións é na media punta onde sente máis cómodo aínda que pode tamén ocupar posicións de interior no medio do campo. Xogador intelixente con personalidade e creativo fai do un perfil moi interesante para sumar a plantilla branca para ser máis competitiva ante a esixente tempada que se presenta.

Moita sorte nesta nova etapa !!!

JULIÁN, BENVIDO A MANIÑOS

GO MANIÑOS

JUANJO CEBOLO PECHA A SÚA ETAPA EN MANIÑOS

Juanjo Cebolo

Juanjo Iñiguez "Cebolo" ao finalizar a tempada 2023/24 deu por terminado a súa etapa en Maniños. Chegou na tempada 2019/20 da man do seu gran amigo Manel Freire para formar parte do corpo técnico do xuvenil branco así como do ACRD O Pote compaxinándoo co cadete do Racing San Pedro, posteriormente, pandemia por medio, dirixiu varias categorías do club tanto en tandem con Manel como en solitario, xuvenís, cadetes, infantís e xa as dúas últimas tempadas no feminino onde fixo un gran traballo, en primeiro lugar liderando o paso do F8 ao F11 con ascenso incluído á 2ª División Galega tras unha emocionante eliminatoria frente ao Eiris, SD e na presente tempada cunha cómoda permanencia.

Aparte da traxectoria deportiva hai que destacar a súa faceta persoal, deixando pegada na Familia branca pola súa calidade humana, simpatía e optimismo. Agora coa conclusión da tempada 2023/24 di basta e abandona os bancos aínda que cremos que será de maneira provisional porque lle gusta demasiado o fútbol como para deixalo definitivamente. 

Grazas Juanjo por estes anos defendendo o noso escudo (2019-2024) esperando seguir véndonos polos campos para manter viva a chama da amizade coa que nos obsequiaches nestes anos. 

Non podemos nen queremos esquecer a figura de Ángela Seoane como Delegada do noso equipo feminino con a súa tranquilidade e eficacia aplicando sempre o sentido común a todas as situacións que se lle plantexaban nun partido. Moi grande!!! Grazas por todo!!!

Moita sorte no futuro!!!

Maniños sempre será a vosa casa!!!

MARCOS PIÑEIRO, NOVO INQUILINO NA BANDA ESQUERDA BRANCA

Marcos Piñeiro

Marcos Piñeiro Soto (Marcos Piñeiro) é o novo inquilino para a banda esquerda branca. Nado en Neda no 2005 chega ao Cultural Maniños na que será a súa primeira tempada de modestos tras acabar o seu ciclo xuvenil no Racing Club Ferrol que competiu esta tempada en Liga Nacional pelexando ata o final, sen éxito, polo ascenso a División de Honra.

Marcos entrou en categoría de biberóns na SDR Neda onde desenvolveu toda a súa traxectoria futbolística subindo polas diferentes categorías de base do club ata no seu segundo ano de xuvenís onde cambiou de aires asinando polo Racing de Ferrol "B" que competía en Liga Galega e que estaba dirixido polo ex adestrador branco Manel Freire que durante varias tempadas dirixiu ao xuvenil e ao filial do Maniños. Ao acabar esta tempada, ascenso ao primeiro equipo xuvenil do Racing as órdenes de Nacho García onde como se comentou anteriormente competiu en Liga Nacional onde xogou 18 partidos. Ao finalizar a tempada súmase ao Cultural Maniños para competir na esixente Primeira Galicia.

Xogador de banda, rápido, potente e con chegada, fichado inicialmente para xogar en posicións máis adiantadas en ambas as bandas, foi Manel Freire quen o situou en posicións de banda máis defensivas e onde Marcos se atopo cómodo xogando. Por tanto un bo reforzo para a banda esquerda cunha certa polivalencia pero reconvertido nun lateral esquerdo ao uso con bo recorrido.

Moita sorte nesta nova etapa !!!

MARCOS, BENVIDO A MANIÑOS

GO MANIÑOS

ABRAHAM SANTOS, RETIRASE UN DOS GRANDES DE FERROLTERRA

Abraham, un dos nosos!!!

Non sempre se poden publicar novas do noso agrado pois Abraham Santos Martín (Abraham) despois dunha longa traxectoria decidiu ao finalizar a tempada que rematou oficialmente o pasado 30 de xuño colgar as botas polo menos con respecto ao fútbol afeccionado.

E é sen dúbida un orgullo que o último Club que defendeu fóra o noso. Abraham chegou ao Maniños procdente do Atlético Coruña Montañeros no comezo da tempada 2018/19 (pincha aquí) da man de Pablo Mesa para cubrir a baixa de Iñaki Paz que fichaba polo Galicia de Mugardos e como se presumía foi un recambio de primeiro nivel como xogador e como persoa. Desde aquel entón e ata esta tempada bos anos cun amargo descenso, volta a primeira coa histórica tempada do subcampeonato de liga e copa 2021/22 con pandemia polo medio. Moitos partidos e moitas vivencias brancas. Ademáis e mentras o traballo se o permiteu adestar aos porteiros da base do noso Club.

Un orgullo para o Cultural Maniños o feito de que defendeses as nosas cores. Moita sorte para o futuro e se algunha vez pícache o gusanillo xa sabes onde estamos!!!

Abraham, un dos nosos!!!

O Pote sempre será a túa casa!!!

PABLO MESA CONTINÚA COMO DIRECTOR DEPORTIVO DO CLUB

Pablo Mesa

Pablo Mesa continuará unha tempada máis como director deportivo do club así como adestrador dalgún equipo de base (esta temporada finalizada adestrou aos benxamíns). 

Pablo que estivo de adestrador do Primeiro equipo nunha prolongada etapa (2017-2023) con a pandemia polo medio. logrou dous ascensos (2017/18 - 2020/21), un duro descenso (2018/19) con recuperación da categoría unha tempada despóis e coa mellor clasificación histórica do Club (2021/22). tamén se foi finalista da Copa de Ferrolterra (2021/22).

Aínda que xa levaba tempo controlando o desenvolvemento e progresión dos nenos do Club, desde a tempada pasada, coordina e dirixe toda a canteira da entidade que mellora cada tempada en cantidade e calidade.

Grazas Pablo por apostar por nos e por suposto por todo o que achegas ao Club e sobre todo por estar aí cando algo se torce ou se necesita.

Un luxo contar contigo!!!

GO MANIÑOS

MÁIS RENOVACIÓNS NO PRIMEIRO EQUIPO

Seguimos con as renovacións... 

Veteranía e xuventude... boa mixtura !!!

Nova tempada, novo reto.... 

Mil gracias pola vosa confianza !!! 

GO MANIÑOS

RENOVACIÓNS DO PRIMEIRO EQUIPO

Comenzamos con as renovacións do primeiro equipo. 

Capitáns que levan o sentimento branco moi dentro. 

Xerarquía e liderazgo... 

Implicación e gañas... 

Mil gracias pola vosa confianza!!!

GO MANIÑOS

ADRIÁN MARTÍNEZ SEGUIRÁ UNHA TEMPORADA MÁIS AO FRENTE DO PRIMEIRO EQUIPO

Adrián Martínez

Con ledicia podemos confirmar a continuidade do noso adestrador do primeiro equipo, Adrián Martínez. A boa sintonía entre ambas partes facilitou que Adrián siga unha tempada máis esperando que a mesma sexa polo menos tan positiva como a que acaba de finalizar.

Ao seu carón unha tempada máis estará Juan Carlos González "Charly", sempre nun segundo plano facendo un traballo fundamental para que todo funcione axeitadamente. 

Grazas Adrián e Charly polo voso desexo de seguir á fronte dos brancos e lembrar que a vosa sorte será a do noso Club.

GO MANIÑOS