Saíu mellor o Maniños que controlou o partido desde o principio contando con dúas ocasións moi claras, especialmente unha de Pedro que en inmellorable situación non acertou coa portería de Rafa. O partido seguiu controlado polo Maniños non sufrindo en exceso salvo nalgún balón parado dada a calidade do lanzador Pocho, aínda que ben resolvido pola zaga e Mateo moi seguros.
A segunda parte seguiu polo mesmo guión, faltaba o gol ata que un balón atrás de Pedro chegou a Pitu ao bordo da área que dun gran zurdazo superou a Rafa poñendo o (0-1) no marcador que facía xustiza. Faltando dez minutos gran xogada colectiva do Maniños que finalizou cun gran centro desde banda dereita e cabezazo de Hugo poñendo o (0-2) que ao cabo foi definitivo dando a confianza necesaria para acabar o partido con relativa tranquilidade.
Tres puntos importantes que ademais sendo nun derbi saben mellor e que permite aos brancos asentarse na terceira posición e mirar con certo optimismo o que falta de tempada mirando cada xornada como un novo reto empezando a próxima xornada coa visita do Sporting Meicende un dos mellores equipos da categoría non só polos puntos e posición que leva senón polas sensacións do que propón.
Parabéns equipo!!!
GO MANIÑOS
Acta do partido en www.futgal.es, preme aquí
Adrián Martínez en www.radiofusion.gal, preme aquí
