Unha fin de semana de contrastes para o Maniños. Mentres o filial logrou unha vitoria de infarto nun festival de goles en O Pote, o equipo feminino e os veteranos non puideron sumar nos seus respectivos encontros.
Segunda División – Feminino – X26
Cultural Maniños 0 - 2 Bergantiños C.F. "B"
Non puido ser para as guerreiras do Maniños. O Bergantiños mostrouse moi serio e efectivo de cara á porta, levando os puntos de O Pote grazas á gran actuación individual de Julia Varela, autora dos dous goles do encontro (5’ e 39’) que deixaron o partido moi costa arriba antes do descanso.
Malia o esforzo na segunda metade , o marcador xa non se moveu.
Acta do partido en www.futgal.es, preme aquí
Xurxo Rodríguez en www.radiofusion.gal, preme aquí
Terceira Futgal – Filial – X12
Cultural Maniños 3 - 2 C.D. Estrella Solaina
O equipo filial protagonizou o partido máis vibrante da fin de semana. Nun duelo de constantes alternativas, os locais souberon sufrir e golpear nos momentos clave para amarrar os tres puntos.
O Estrella Solaina vendeu cara a súa derrota e mantivo a emoción ata o pitido final.
Acta do partido en www.futgal.es, preme aquí
Álvaro "Chiqui" Dopico en www.radiofusion.gal, preme aquí
Terceira Futgal – Veteranos
S.C.D. Pastoriza 2 – 1 Cultural Maniños
Nun partido moi igualado que apuntaba claramente á empate, o Maniños volveu de baleiro tras un treito final frenético no que a sorte non estivo do seu lado .
O Pastoriza adiantouse con dous goles desafortunados, pero os brancos non baixaron os brazos nunca.Javier Pazos recortou distancias no 91', pero xa non quedaba tempo para acadar unha igualada merecida.
Acta do partido en www.futgal.es, preme aquí
Toca seguir traballando!
“E pobre do que queira quitarnos a ilusión”
GO MANIÑOS
