Unha desfeita...
Dura derrota do Maniños nun encontro que se torceu dende o primeiro minuto. O Betanzos saíu moi enchufado e aproveitou cada erro dos visitantes para abrir unha fenda no marcador xa nos compases iniciais. A eficacia local e a dificultade do Maniños para asentarse no partido marcaron claramente o desenvolvemento da primeira metade.
Faltou intensidade e o Cultural Maniños nunca estivo no partido, superado en moitas fases do xogo e sen capacidade de reacción. Os goles foron caendo case sen resposta, cun rival moi inspirado en ataque e un Maniños que, malia intentalo, non foi quen de frear o vendaval ofensivo. Co paso dos minutos, o encontro fíxose costa arriba, chegando ao descanso cun marcador moi adverso.
Na segunda metade, o equipo tentou dar un paso adiante e mellorar a imaxe, pero o Betanzos continuou dominando e ampliando a vantaxe. O tanto da honra chegou xa no treito final, obra de Álvaro España, que polo menos serviu para maquillar o resultado (por decilo suavemente).
Toca aprender, levantar a cabeza e seguir traballando para competir mellor.
A final de Copa no horizonte, tocar mudar o estado de ánimo e creer!!!
Toca levantarse e pasar páxina...
Seguimos !!!
GO MANIÑOS
GO MANIÑOS
Acta do partido en www.futgal.es, preme aquí
Adrián Martínez en www.radiofusion.gal, preme aquí
