A Cultural Maniños Veteranos segue dando forma ao seu proxecto mantendo unha das súas grandes fortalezas: un grupo unido, comprometido e con moitas ganas de seguir desfrutando do fútbol.
Unha tempada máis, a familia branca conta coa continuidade dun amplo grupo de xogadores que achegan calidade, experiencia, traballo e ese espírito de equipo que define ao vestiario.
Nono seguirá sendo unha peza importante no grupo, achegando compromiso, experiencia e ese carácter que sempre suma ao equipo. Adri continuará defendendo a portería con seguridade, bo un contra un e dominio nos balóns aéreos. David seguirá achegando polivalencia, traballo e disposición para axudar sempre ao equipo. Juancho continuará como referente do grupo, achegando colocación, saída de balón e liderado. Robert Moreda manterá a súa versatilidade, intensidade e capacidade de adaptación. Álex seguirá poñendo pausa, equilibrio e criterio no xogo. Mauri continuará achegando experiencia, visión de xogo e calidade desde a banda. Marco seguirá representando o traballo, o compromiso e o espírito de equipo. Ramón continuará aportando velocidade, intensidade e un potente disparo. Raúl seguirá sumando calidade, desborde e último pase no medio campo. Michu achegará criterio, bo desprazamento e capacidade para xerar xogo. Coira continuará dando equilibrio, serenidade e unha saída de balón limpa. Rober Barbas seguirá sendo intensidade, entrega e traballo no centro do campo. Kevin continuará achegando presenza, calidade e chegada. Mato seguirá sumando talento, visión de intensidade, presión e traballo constante. Javi Pedreiras continuará achegando trato de balón, mobilidade e compromiso no medio campo, sempre disposto a sumar e facer grupo. Karran continuará aportando velocidade, desborde e perigo ofensivo no ataque branco. Juan continuará aportando potencia, desborde e capacidade goleadora. José seguirá achegando físico, polivalencia, disparo e traballo. Lois seguirá dando velocidade, alegría e compromiso desde a banda. Javi Rico seguirá sendo unha referencia no ataque branco, achegando gol,xogo e desborde. Ricardo continuará aportando velocidade, verticalidade e gol.
Que ruxa O Pote!