XORNADAS DE CONVIVENCIA

Este sábado 30 xogaranse as distintas xornadas de convivencia das categorías de F8 base Prebenxamín, Benxamín e Alevín en diferentes sedes. 

O Pote será a sede da categoría Benxamín grupo título - Consolación 1 onde participará o noso Benxamín B.

Os nosos Prebenxamines desprazaranse A Piscina de San Sadurniño. O Bexamín A cruzará As Pías para xogar en Caranza en xornada dobre (venres e sábado) e os Alevíns marchan a Gallamonde (Miño).

A disfrutar das xornadas !!!

GO MANIÑOS

HORARIOS FIN DE SEMÁN DO (29-30-31) MAIO

 

O EQUIPO VETERANO QUEDA ELIMINADO NO ÚLTIMO PARTIDO DA FASE DE GRUPOS

O equipo veterano viuse superado nos primeiros compases do encontro, onde os nervios atenazaron aos brancos. Tres goles nos primeiros dez minutos supuxeron un castigo demasiado duro para os nosos.

A pesar diso, o equipo non deixou de loitar nin de intentalo ata o asubío final, chegando a competir e a recortar diferenzas, pero a lousa inicial foi demasiado grande.

Unha mágoa despedirse da competición deste xeito, nun contexto marcado tamén por un resultado máis que estraño, co outro encontro entre CD Ciudad e o Mercurio, SD "B" resolto cun contundente (9-0), o que levou a eliminación tanto de Maniños como do outro contendente o Beat Street Betanzos. 

Punto e final a tempada da cal hai que facer balance pero de entrada positiva en todolos sensos.

GO MANIÑOS

Acta do partido en www.futgal.es, preme aquí

ADIOUSE O PARTIDO DO FEMININO QUE CELEBRA A PERMANENCIA

O Feminino, a pesar de non disputar o seu partido en Lugo e ante o SDC San Lázaro por alerta meteorolóxica, deu a boa nova da fin de semana ao acadar a permanencia matemática na categoría. 

A derrota do A. D. Nicraeriense fai que xa non poidan superar ás brancas na clasificación acadando a permanencia matemática un ano máis na segunda división galega.

Noraboa, equipo!

GO MANIÑOS

Xurxo Rodríguez en www.radiofusion.gal, preme aquí

UN DÍA TRISTE PARA O MANIÑOS, FALECERON DOUS GRANDES , ISMAEL ANTÓN E PIÑO AMADO

O Cultural Maniños está de loito polo pasamento no día de hoxe do ex presidente do Club nos anos 80 e 90, D. Ismael Antón Blanco. 

Tamén faleceu o ex xogador D. José Fernández Amado "Piño" que xogou na metade dos anos 70. 

O noso mais sentido pésame a familiares, amigos e achegados dos falecidos. 

DEP

NON PUDO SER, A COPA MARCHA PARA SINDE

O primeiro equipo viuse superado por unha SD O Val con máis intensidade, e non foi quen de atopar o seu xogo durante o encontro. Un penalti, canto menos dubidoso, puxo de cara o partido para o conxunto visitante, que xa estaba a ser superior nos primeiros compases.

A partir dese momento, os do Pote intentaron dar un paso ao fronte, pero a pesar do esforzo e de competir ata o final, non conseguiron xerar o perigo suficiente sobre a portería rival.

Un erro no minuto 61, ben aproveitado polo Val, acabou por romper definitivamente a resistencia branca. De aí ata o final quero e non podo dos brancos que non estiveron ben ni cómodos en ningún momento do partido.

Parabéns a SD O Val, xusto vencedor!

Toca seguir traballando e aprender desta experiencia para volver máis fortes.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (22-23-24) MAIO

INFANTILES (2º FASE - X18): Cultural Maniños 4 - EF Irmandiños 4
VETERANOS (COPA - X04):  Cultural Maniños 4 (Pazos (2), Raúl e Pedreiras) - SB Betanzos 6 
FEMININO (X33): SD San Lázaro - Cultural Maniños (Adiado por razones climatolóxicas adversas)
AFICIONADOS - FINAL XXV COPA FERROL: Cultural Maniños 0 - SD O Val 2 

GRAN FINAL DA XXV COPA DE FERROLTERRA

 

A GRAN PREVIA DA FINAL DE COPA

Os partidos empezan a gañarse antes de xogalos. 

Non faltes a nosa GRAN PREVIA no Campo do Pote !!! 

GO MANIÑOS

DÉCIMA FINAL PARA OS BRANCOS NA COPA DE FERROLTERRA

Será a décima final de Copa de Ferrolterra, de Ferrol ou da Ría en calquera das diferentes denominacións que tivo a Copa da nosa Comarca. Nesta ocasión será unha final inédita a que disputen na Pedreira (Mugardos) o Cultural Maniños e a SD O Val o vindeiro sábado 23 a partir do 18.30 H.

Das 9 finais xogadas anteriormente 5 acabaron en vitoria branca mentres as outras 4 acabaron en derrotas. O primeira final, na tempada 1963/64, acabou con vitoria os brancos que se impuxeron pola mínima (1-0) á SD Esteiro no Campo de San Xoán. Non se volveu a xogar ningunha final ata a tempada 1970/71 ano do triplete (liga, copa e Campionato Galego de Afeccionados) cando os brancos derrotaron aos veciños da SD Limodre por (3-1) no Estadio Manuel Rivera. Tardaríanse 17 anos para volver a unha final, tempada 1987/88 e nesta ocasión a cousa non saíu ben con derrota no Manuel Rivera por (2-0) ante o Meirás CF. dúas tempadas despois, 1989/90 e de novo no Inferniño, vitoria ante o extinto UD Piñeiros por (5-1). Ningunha presenza branca na década dos 90 para volver a unha final na tempada 2001/02 no Bernardino Breixo da Barqueira e con vitoria aos penaltis ante o Narón Balompé Piñeiros, curiosamente herdeiro do UD Piñeiros. Repetiuse final a seguinte tempada na Pedreira ante o Galicia de Mugardos e derrota (1-0) ante os verdes. Na 2010/11 vitoria na Gándara ante o ADC A Capela para na 2013/14 e no Estadio da Malata derrota por (2-0) ante o AD Miño. Na última final disputada polos brancos, derrota novamente na Gándara ante o Eume Deportivo por (2-1).

Mañá escribirase outra páxina da nosa historia...

GO MANIÑOS

HORARIOS FIN DE SEMÁN DO (22-23-24) MAIO

 

XORNADA DE PORTAS ABERTAS

 

CARA E CRUZ DOS EQUIPOS SENIOR

Feminino - Segunda División Galega

C.M. Feminino 0 - 3 U.C. Cee

Derrota do Feminino no Pote ante un bo rival que impide asegurar matematicamente a permanencia na categoría.

As nosas pelexaron ata o final nun encontro esixente, demostrando compromiso e entrega en todo momento.

Quedan dúas xornadas e toca seguir loitando ata o final.

Pese á derrota, bo traballo das nosas.

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí


Filial - Tercera Futgal

S.D. Libunca 0 - 1 C.M. Filial

Victoria pola mínima do noso Filial na Gándara nun encontro moi serio dos brancos.

Un gol de Gianni permitiu sumar tres puntos moi importantes e consolidar o cuarto posto na táboa, que dá dereito a disputar a volta do playoff de ascenso no Pote fronte ao Xuventud Cabanas.

Parabéns equipo! 

Acta do partido en www.futgal.es, preme aquí

Álvaro "Chiqui" Dopico en www.radiofusion.gal, preme aquí

GO MANIÑOS

VICTORIA CUN FESTIVAL DE GOLES NA DERRADEIRA XORNADA DA PREFERENTE FUTGAL

Festival de goles no Pote no derradeiro partido da liga, poñendo fin ao paso do noso equipo pola Preferente. 

Partido tolo e moi aberto no que as dianteiras superaron claramente ás defensas, deixando un encontro cheo de emocións e alternativas. 

Bo sabor de boca para despedir a tempada diante da nosa xente.

Sen dúbida un ano inesquecibel.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (15-16-17) MAIO

INFANTILES (2º FASE - X17): CD Cariño 9 - Cultural Maniños 1
CADETES (FASE ASCENSO - X10): SD Libunca 0 - Cultural Maniños 4
XUVENILES (2º FASE - X19): Cultural Maniños 2 - SCRD Narón Freixo "B" 4
VETERANOS (COPA - X04):  DESCANSAN
FEMININO (X32): Cultural Maniños 0 - Unión Club Cee 3
FILIAL - 3ª FUTGAL (X18): SD Libunca 0 - Cultural Maniños 1 (Gianni)
AFICIONADOS - PREFERENTE GALICIA (X34): Cultural Maniños 7 (Jaime, Brais (2), Julián (3) e Hugo) - SD Sofán 5

SUBVENCIÓN CONCEDIDA POLA DEPUTACIÓN DA CORUÑA - TEMPADA 2024/25

Ao Cultural Maniños, SD foille concedida pola Deputación da Coruña, no ano 2025, unha subvención económica, destinada a axudar a financiar as actividades deportivas do Club na tempada 2024/25

HORARIOS FIN DE SEMÁN DO (15-16-17) MAIO

XA TEMOS O CARTEL DA FINAL DE COPA

 

FINDE SEN BRILLO PARA O RESTO DE EQUIPOS SENIORS DO CLUB

Segunda División – Feminino

Eiris S.D. 2 - 0 Cultural Maniños

O feminino regresou sen premio do seu desprazamento tras caer nun partido moi igualado e disputado ata o final . Un gol na parte final do primeiro tempo foi demasiado castigo para as nosas.

O equipo loitou na segunda parte na busca do empate, pero outro gol nas postrimerías acabou coa resistencia das brancas .

Na segunda metade, co 1-0 no marcador, as brancas chegaron a anotar o que sería o gol do empate, pero foi anulado polo colexiado  nunha acción chea de dúbidas e que, a día de hoxe, segue sen explicación clara.

As nosas volveron demostrar compromiso e traballo colectivo, competindo en todo momento pese ao resultado adverso.

Un encontro que deixa boas sensacións no esforzo e na actitude do equipo 

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí


Tercera División - Veteranos

C.D. Ciudad 1 - 1 Cultural Maniños

Empate de mérito dos veteranos do Cultural Maniños no campo do Ciudad nun duelo intenso e moi competido. Os locais puxéronse por diante cun penalti, canto menos rigoroso, pero os de O Pote souberon repoñerse e buscaron o empate por momentos con máis corazón ca cabeza.

A expulsión dun xogador branco complicou aínda máis o encontro, mais o Maniños foi quen de seguir dominando moitas fases do partido e non sufrir en demasía. Mato puxo o empate cun gran lanzamento de falta e os nosos incluso tiveron ocasións para completar a remontada, aínda que tamén tocou sufrir a balón parado.

Un punto que reforza a moral antes do decisivo encontro fronte ao Betanzos, no que podería decidirse o pase ás semifinais.

Acta do partido en www.futgal.es, preme aquí

“E pobre do que queira quitarnos a ilusión”

GO MANIÑOS

DERROTA NUN INTRASCENDENTE PARTIDO EN LALÍN

Derrota do Cultural Maniños na visita ao campo do Lalín nun encontro intrascendente no que os locais estiveron máis acertados nas áreas. Os nosos intentaron competir e manterse dentro do partido, pero a efectividade rival acabou marcando diferenzas nun choque complicado dende o inicio.

Toca levantarse, seguir traballando e pensar xa na próxima xornada (a derradeira).

A copa no horizonte...

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (8-9-10) MAIO

INFANTILES (2º FASE - X16): Cultural Maniños 1 - CCRD Perlío 5
CADETES (FASE ASCENSO - X09): Cultural Maniños 0 - Meirás CF 0
XUVENILES (2º FASE - X18): SCRD Ánimas "B" 0 - Cultural Maniños 5
VETERANOS (COPA - X03):  CD Ciudad 1 - Cultural Maniños 1 (Mato)
FEMININO (X31): Eirís, SD 2 - Cultural Maniños 0
FILIAL - 3ª FUTGAL (X17): DESCANSA
AFICIONADOS - PREFERENTE GALICIA (X33): CD Lalín 5 - Cultural Maniños 0

A NOSA INFANTIL CARMEN CONVOCADA NOVAMENTE NA SELECCIÓN SUB 14

A nosa xogadora alevín, Carmen Bermúdez, recibeu a convocatoria para un adestramento con a Selección Galega SUB 14. 

Neste caso o próximo martes 12 no Campo de Fútbol de Extramundi en Padrón para comenzar as 16:30 H. 

A disfrutar moito da experiencia!!! 

Parabéns Carmen!!!

HORARIOS FIN DE SEMÁN DO (8-9-10) MAIO

ORGANIZACION DE FINAIS E TORNEOS DA DELEGACIÓN DE FERROL

 

CONCEDIDA UNHA XORNADA DE CONVINECIA AO POTE

O Campo do Pote será sede dunha xornada de convivencia  a celebrar entre os días 28/30/31 de maio. En concreto se xogará en Maniños a Benxamín que englobará ao Grupo do Título máis o Grupo Consolación.

Serán 16 equipos los que visitarán O Pote nesas datas lo que fará desas datas unhas xornadas de gran alegría e deporte no pobo de Maniños.

Grazas a RFGF encabezada polo seu Delegado en Ferrol a súa confianza no noso Club e instalaciones.

XA TEMOS SEDE PARA A FINAL DA XXV COPA DE FERROLTERRA

Si xa tiñamos data para a final de copa (23/5/26) desde esta mañá temos sede da mesma e será un estadio histórico da bisbarra como é o Campo da Pedreira, casa do Galicia de Mugardos.

Sen dúbida un magnífico escenario para unha final que enfrentará a dos históricos como son a SD O Val de Narón e ao Cultural Maniños, SD.

GO MANIÑOS

HOXE XOGÁSE O DERRADEIRO PARTIDO DA XORNADA PASADA

Tras acordo entre Clubs o partido do Grupo 4 de Consolación de benxamines a disputar entre o Cultural Maniños, SD e o CD Estrella A Solaina "B" xogarase no día de hoxe a partir das 18:15 H no Pote.

De este xeito queda finiquitada esta longa xornada na que o partido de Cadetes foi adiado para o próximo fin de semana.

GO MANIÑOS

DOS CARAS E UNA INXUSTA E POLÉMICA CRUZ DOS SENIORS DO CLUB

Segunda División – Feminino

Cultural Maniños 4 - 2 S.D.C. Órdenes

Vitoria clave nun partido de vida ou morte!

O Feminino afrontaba un encontro decisivo pola permanencia… e respondeu como había que facelo Dende o inicio, o equipo foi claramente superior, dominando o ritmo do partido e xerando ocasións con continuidade.

Co paso dos minutos, esa superioridade transformouse en goles, abrindo unha vantaxe que facía xustiza ao visto no campo. Aínda que o rival conseguiu achegarse no marcador na recta final, o Maniños soubo sufrir e manter a calma para pechar un triunfo fundamental.

Partido serio, completo e cun equipo que deu un paso adiante cando máis o necesitaba.

Tres puntos de ouro para seguir loitando!

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí

Terceira Futgal – Filial

Cultural Maniños B 1 - 2 S.D.C. Narón O Freixo

Derrota cruel nun partido moi igualado

O filial disputou un encontro moi competido, no que ningún dos dous equipos logrou imporse con claridade. O Maniños B fixo un partido serio, ordenado e con boas fases de xogo, competindo de ti a ti durante os 90 minutos.

O empate parecía o resultado máis xusto… pero no tempo engadido chegou o golpe definitivo. No minuto 97, tras anunciarse 5 de desconto, o rival anotou o 1-2 nunha xogada moi protestada por posible fóra de xogo, con varios xogadores implicados na acción.

Sen entrar en polémicas excesivas, queremos expresar o noso malestar coa decisión arbitral nun momento tan determinante do partido. Un desenlace que deixa unha sensación amarga para un equipo que, como mínimo, fixera méritos para sumar.

Toca levantarse e seguir.

Seguimos, máis unidos ca nunca

Acta do partido en www.futgal.es, preme aquí

Álvaro "Chiqui" Dopico en www.radiofusion.gal, preme aquí


Terceira Futgal – Veteranos

Cultural Maniños 3 - 2 A.D.C. Aranga

Vitoria sufrida dos veteranos nun partido que puido quedar resolto moito antes O encontro comezou cun Cultural Maniños dominador, levando o peso do xogo e xerando ocasións máis que suficientes para abrir o marcador con claridade.

Non entanto, entre a falta de acerto e algún punto de mala sorte, o equipo non foi quen de reflectir esa superioridade no resultado antes do descanso e tan só marchaba cun 1 a 0 perigoso ao descanso, con gol de Javi Pazos.

E xa se sabe… cando se perdoa, toca sufrir. Nunha xogada illada, o Aranga conseguiu igualar o partido nos primeiros compases da segunda parte, o que provocou que o equipo perdese algo de control e non amosara o seu mellor fútbol durante a segunda parte.

A pesar diso, apareceu Javi Rico cun dobrete que puxo terra de por medio no marcador para colocar o 3-1 que parecía definitivo.

O encontro aínda gardaba emoción… Nunha acción moi dubidosa por posible fóra de xogo, o Aranga recortou distancias co 3-2, levando a incerteza ata o final.

Finalmente, os tres puntos quedaron na casa, aínda que cunha sensación algo agridoce: o equipo foi superior, pero deixou escapar a oportunidade de pechar o partido moito antes.

O equipo segue con pé firme na competición cun 6 de 6.

Seguimos!!!

Acta do partido en www.futgal.es, preme aquí

GO MANIÑOS

DURA DERROTA DOS MODESTOS ANTE O POTENTE SD NEGREIRA

Derrota abultada para o Maniños nun encontro que se complicou moi cedo. Un penalti dubidoso por man abriu o marcador e puxo o partido costa arriba desde os primeiros minutos.

A pesar do golpe inicial, o equipo non lle perdeu a cara ao encontro. O Maniños competiu, intentou ter balón e por momentos o partido estivo máis igualado do que reflicte o marcador. De feito, ata ben avanzada a primeira metade o resultado mantíñase relativamente axustado.

O equipo local mostrou boa intención con balón, pero faltou acerto nos últimos metros para transformar as chegadas en ocasións claras. Pola contra, o Negreira soubo xogar moi ben as transicións ofensivas, aproveitando os espazos que foron deixando os locais e sendo moi efectivo.

Co paso dos minutos e co resultado en contra, o Maniños foise desordenando, e xa no tramo final chegaron varios goles consecutivos que acabaron por ampliar demasiado a diferenza.

Un resultado duro, pero enganoso polo visto no campo: o equipo competiu durante moitas fases e mostrou actitude. Toca seguir traballando e pensar no seguinte partido.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (1-2-3) MAIO

PREBENXAMÍN (2º FASE - X14): CMI Club Campo "C" - Cultural Maniños (2)
BENXAMÍN "A" (2º FASE - X14): Cultural Maniños - Estrella A Solaina "B" (1)
BENXAMÍN "B" (2º FASE - X14): Cedeira, SD - Cultural Maniños (2)
ALEVINES (2º FASE - X14): Cultural Maniños - Eume "B" (1)
INFANTILES (2º FASE - X15): Numancia, SDR 4 - Cultural Maniños 4
CADETES (FASE ASCENSO - X09): Aplazouse a xornada para o finde (8-9-10)
XUVENILES (2º FASE - X17): Cultural Maniños 4 - FC Ortigueira 3
VETERANOS (COPA - X02):  Cultural Maniños 3 (Javi Rico (3)) -  ADC Aranga 3
FEMININO (X30): Cultural Maniños 4 (Gorgullo (2), Lore e Andrea) - SDC Órdenes 2
FILIAL - 3ª FUTGAL (X16): Cultural Maniños 1 (Gabri) - Narón Freixo 2
AFICIONADOS - PREFERENTE GALICIA (X32): Cultural Maniños 0 - SD Negreira 6

FELIZ DÍA DA NAI