DERROTA NA RECTA FINAL DO PARTIDO DOS MODESTOS EN SOFÁN

Partido moi igualado o disputado en O Carral, cun desenvolvemento marcado polo equilibrio e pola escaseza de ocasións claras durante gran parte do encontro. Ambos conxuntos ofreceron un duelo pechado, intenso e con alternancias, que semellaba encamiñarse cara a un empate sen goles. As dimensións reducidas do terreo de xogo condicionaron o plan de partido e deron especial relevancia ás accións a balón parado, que tiveron un peso determinante no desenvolvemento do encontro.

O primeiro tanto chegou no minuto 78 tras un saque de esquina. Despois de varios despejes acertados por parte do Maniños, produciuse un pequeno desaxuste defensivo que foi aproveitado polo Sofán para romper a igualdade no marcador.

Ese gol chegou nun momento no que o partido estaba completamente aberto e exemplifica como, en determinados tramos da tempada, os encontros poden decidirse máis pola dinámica que polo que sucede realmente sobre o céspede. Nun partido tan pechado, un detalle pode inclinar a balanza e cambiar o escenario por completo.

O Maniños tentou reaccionar tras o gol, pero xa na recta final, nunha acción desafortunada condicionada polo forte vento, chegou o segundo tanto que pechou definitivamente o partido.

Máis alá do resultado, o equipo amosou unha boa versión competitiva, mantendo orde, intensidade e compromiso durante a maior parte do encontro. Hai partidos que se gañan ou se perden pola dinámica do momento. Toca seguir traballando con convicción, paciencia e confianza no camiño marcado.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí