(1/8) FINAL - COPA DE FERROLTERRA

Este martes a partir das 20:00 H. no Campo de Aneiros xogamos a continuidade na Copa a partido único ante o SRD Canido, un histórico do fútbol ferrolán que volveu esta tempada a competir. 

Anímate e ven a apoiar aos nosos!!!

GO MANIÑOS

SITUACIÓN A DÍA DE HOXE DOS PARTIDOS ADIADOS

Como xa se comentou se irá actualizando as datas dos partidos adiados pola RFGF nas xornadas do (23-24) de xaneiro e neste finde a do día (29).

Despóis dunha semana intensa e de que todas partes afectadas fixeran un forte exforzo por poñerse ao día, o nos Club ten só dous partidos pendentes que son os seguintes:

BENXAMÍN "A"
Cultural Maniños - CMI Club Campo "B" (do vernes 30)

INFANTILES
Cultural Maniños - CMI Club Campo "B" (do vernes 30)

En ambos casos estase negociando unha data para poder xogarse o partido co menos perxuicio para ambas partes. 

Seguiremos actualizando...

GO MANIÑOS

CRUZ NA XORNADA SENIOR

DERROTA POLA MÍNIMA DOS MODESTOS EN O MONTE

RESULTADOS FIN DE SEMÁN DO (13-14-15) FEBREIRO

PREBENXAMÍN (-----): SEN PARTIDO
BENXAMÍN "A" (ADIADO): Galicia Caranza - Cultural Maniños (2)
BENXAMÍN "B" (ADIADO): Cultural Maniños - Numancia (1)
ALEVINES (ADIADO): Cultural Maniños - CD Cariño (1)
INFANTILES (ADIADO): CD Narón 4 - Cultural Maniños 0
INFANTILES (COPA): CD As Pontes 8 - Cultural Maniños 0
CADETES (COPA):  Eume Deportivo 3 - Cultural Maniños 1
XUVENILES (ADIADO): Racing San Pedro 2 - Cultural Maniños 3
VETERANOS (ADIADO): Cecebre, SD 5 - Cultural Maniños 3 (Ricardo, Javi Pazos e Javi Rico)
FEMININO (X20): Esteirana, SD 2 - Cultural Maniños 0
FILIAL - 3ª FUTGAL (X06): Cultural Maniños 1 (Rubén) - SRD Canido 4
AFICIONADOS - PREFERENTE GALICIA (X22):  San Tirso, SD 2 - Cultural Maniños 1 (Hugo)

CARMEN XOGA HOXE COA SUB 13 FEMININA EN MOS

Dous xogadores do noso Club forman parte da Selección Sub 13. Na Feminina e coa honra de ser a capitana, Carmen Bermúdez compite hoxe en Mos. 

Na masculina, Ángel Mesa, que competirá o martes 17 en Narón. 

Hoxé e o día de Carmen así que por encima de todo, a disfrutalo!!!

Esa Carmen!!!

HORARIOS FIN DE SEMÁN DO (13-14-15) FEBREIRO

HOXE XOVES 12 RECUPÉRASE UN NOVO PARTIDO DOS ADIADOS

Esta tarde recupérase un novo partidos dos adiados do 23 de xaneiro, neste caso é o correspondente a Xornada 3 do Grupo 1 de Consolación da segunda fase: 

INFANTILES
CD Narón - Cultural Maniños
O Cadaval, 18:30 H. 

Por certo o partido dos nosos benxamíns "A" que iban disputar este mércores e que sufreu un novo adiamento se xogará finalmente ou iso esperamos o próximo sábado 14 as 12:20 H. en Caranza.

Só quedanos 6 partidos por recuperar!!! 

GO MANIÑOS

FALECEU D. GERARDO PÉREZ SAS

Na tarde de onte recibimos a mala nova do falecemento de D. Gerardo Pérez Sas, coñecido por "O Queixo".

Gerardo foi unha persoa moi importante no Club dende o seu posto de adestrador, cargo que  mantivo moitos anos e en diferentes categorías. Moi implicado e sempre disposto a colaborar. Foi tamén presidente da ACRD O Pote.

Desde aquí mandar un forte abrazo a toda a súa familia, achegados e amigos en xeral, aos que acompañamos no sentimento.

DEP Gerardo

APRAZAMENTO DE PARTIDOS E ACTIVIDADE FEDERADA

 

HOXE MARTES 10 RECUPÉRASE UN NOVO PARTIDO DOS ADIADOS

Esta tarde recupérase un novo partidos dos adiados do 23 de xaneiro, neste caso é o seguinte correspondente a Xornada 3 do Grupo1 de Consolación:

BENXAMÍN "B"
Cultural Maniños - ADR Numancia
O Pote, 18:00 H

Xa só quedanos 7 partidos por recuperar!!!

GO MANIÑOS

PARTIDOS ADIADOS A RECUPERAR ESTA SEMANA DO (9-12) FEBREIRO

 

AGRIDOCE XORNADA PARA O RESTO DE EQUIPOS

Segunda División – Feminino
CULTURAL MANIÑOS 2 - 3 S.D. MILAGROSA

A mala sorte segue acompañando ao noso Feminino que, despois dun gran partido e dunha entrega sen límites, caeu nos intres finais ante un dos equipos situados na parte alta da táboa.

A lectura é positiva, xa que o equipo competiu a un gran nivel fronte a un rival moi esixente e amosou carácter, compromiso e ambición ata o último minuto.

A seguir loitando!!!

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí

Terceira Futgal – Filial
XUVENTUD CABANAS 3 - 1 CULTURAL MANIÑOS

O Filial caeu derrotado (3-1) na súa visita á Veiga. Partido complicado ante un rival que semella terlle tomada a medida aos brancos.

Perdeuse unha batalla, pero a guerra continúa e o equipo segue con todas as opcións intactas.

A seguir traballando duro!

Acta do partido en www.futgal.es, preme aquí

Álvaro "Chiqui" Dopico en www.radiofusion.gal, preme aquí

Terceira Futgal – Veteranos
S.D.VALDOVIÑO 0 – 1 CULTURAL MANIÑOS

Os Veteranos seguen coa súa marcha ascendente tras derrotar ao SD Valdoviño en Mourente.

A seguridade defensiva, cun gran Adrián baixo paus, o traballo e compromiso de todo o equipo xunto coa definición do maestro do gol, Javi Rico, foron dabondo para manter a boa dinámica.

Que non pare!!!

Acta do partido en www.futgal.es, preme aquí

GO MANIÑOS

DERROTA DOS MODESTOS ANTE O DUBRA QUE DEIXA AOS BRANCOS MOI TOCADOS

Derrota pola mínima da Cultural Maniños nun partido condicionado polas numerosas baixas (só 13 xogadores do primeiro equipo). A pesar das dificultades os nosos estiveron sempre no encontro e competiron ata o final, deixando todo no campo e defendendo o escudo con orgullo.

O partido foi igualado e moi trabado, con poucas ocasións claras. A S.D. Dubra aproveitou un corner para marcar o único gol do encontro no minuto 62. Previamente o porteiro Marcos ataxou unha penal favorable ao equipo visitante.

A partir desde momento, a Cultural, seguiu crendo, apertando e buscando o empate, pero non foi quen de xerar perigo con claridade e continuidade.

Toca seguir competindo, recuperar efectivos e mirar cara adiante xornada a xornada.

GO MANIÑOS

Acta do partido en www.futgal, preme aquí

Adri Martínez en www.radiofusion.gal, preme aquí

RESULTADOS FIN DE SEMÁN DO (6-7-8) FEBREIRO

PREBENXAMÍN (2º FASE - X05): Cultural Maniños - Meirás CF (1)
BENXAMÍN "A" (2º FASE - X05): Galicia Mugardos "B" - Cultural Maniños (X)
BENXAMÍN "B" (2º FASE - X05): Cultural Maniños - CD As Pomtes "B" (1)
ALEVINES (2º FASE - X05): Cultural Maniños - Numancia, ADR (2)
INFANTILES (2º FASE - X05): Cedeira, SD 4 - Cultural Maniños 3 
CADETES (1º FASE - X14):  CD As Pontes "B" 3 - Cultural Maniños 3
XUVENILES (2º FASE - X05): Numancia, ADR 2 - Cultural Maniños 4
VETERANOS (X16): SD Valdoviño 0 - Cultural Maniños 1 (Javi Rico)
FEMININO (X20): Cultural Maniños 2 (Oli e Lara Gorgullo) - SCD Milagrosa 3
FILIAL - 3ª FUTGAL (X05): Xuventud Cabanas 3 - Cultural Maniños 1 (Pablo Pérez)
AFICIONADOS - PREFERENTE GALICIA (X21):  Cultural Maniños 0 - SD Dubra 1

SORTEO CESTA DE ENTROIDO

 

HORARIOS FIN DE SEMÁN DO (6-7-8) FEBREIRO

 

RESULTADOS PARTIDOS RECUPERADOS

Dos 10 partidos inicialmente adiados dos días (23-24) e (30) de xaneiro, xogáronse dous con os seguintes resultados.

PREBENXAMINES
Cultural Maniños - SRD Canido (X)

CADETES
Cultural Maniños 5 - SRD Portuarios "B" 0

A polos 8 restantes...

GO MANIÑOS

COMO COMENZOU A LIGA ESTA XENTE!!!

A forza do grupo é o que nos fai grandes.

Máis ca un equipo, somos unha familia.

No vestiario do Maniños non xoga un, xogamos todos.

Orgullo de filial e orgullo de escudo!!!

GO MANIÑOS

SITUACIÓN DOS PARTIDOS ADIADOS

Como xa se comentou se irá actualizando as datas dos partidos adiados pola RFGF nas xornadas do (23-24) de xaneiro e neste finde a do día (29).

Xa se recuperou o partido da categoría cadetes que está ao día polo que o noso club ten 9 partido que ten que recuperar. Os horarios fijados son os seguintes.

MARTES 3 FEBREIRO
PREBENXAMINES
Cultural Maniños - SRD Canido
O Pote, 18:00 H.

MARTES 10 FEBREIRO
BENXAMÍN "B"
Cultural Maniños - ADR Numancia
O Pote, 18:00 H

MÉRCORES 11 FEBREIRO
BENXAMÍN "A"
Caranza "C" - Cultural Maniños
Caranza, 18:00 H

XOVES 12 FEBREIRO
INFANTILES
CD Narón - Cultural Maniños
O Cadaval, 18:30 H. 

E quedan por datar os seguintes partidos:

BENXAMÍN "A"
Cultural Maniños - CMI Club Campo "B" (do vernes 30)

ALEVINES
Cultural Maniños - CD Cariño (do sábado 24)

INFANTILES
Cultural Maniños - CMI Club Campo "B" (do vernes 30)

XUVENÍS
Racing San Pedro - Cultural Maniños (do sábado 24)

VETERANOS
Cecebre, SD - Cultural Maniños (do sábado 24)

Seguiremos actualizando...

GO MANIÑOS

BO BALANCE NO RESTO DE EQUIPOS SENIORS DO CLUB

Segunda División – Feminino

UNIÓN CAMPESTRE 2 - 0 CULTURAL MANIÑOS

Derrota (2-0) nun partido no que, unha vez máis, o equipo acudíu en cadro. As 12 xogadoras defenderon o escudo ata o final. Dous goles na recta final da primeira metade decidiron o encontro. Orgullo e loita. 

Ánimo equipo!!!

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí

Terceira Futgal – Filial

CULTURAL MANIÑOS 4 - 1 RACING SAN PEDRO

Vitoria (4-1) ante o R. San Pedro que consolida ao equipo na zona alta da táboa. Moito mérito tras ter que remontar o gol inicial dos visitantes. Gran segunda parte dos brancos para darlle a volta ao partido. Goles de Marcos, Gabriel, Miguel e Gianni.

Grande equipo!!!

Acta do partido en www.futgal.es, preme aquí

Álvaro "Chiqui" Dopico en www.radiofusion.gal, preme aquí

Terceira Futgal – Veteranos

CULTURAL MANIÑOS 4 – 1 MERCURIO S.D. "B"

Vitoria no Pote ante o Mercurio nun gran partido que reforza o trabajo dos veteranos. Fenomenal primeira metade na que os brancos deixaron o encontro encarrilado. Goles de Juan, Kevin e Javi Rico (2).

17 puntos e mirando para arriba.

Seguimos!!!

Acta do partido en www.futgal.es, preme aquí

GO MANIÑOS

UNHA MALA PRIMEÍRA METADE CONDENOU AOS MODESTOS EN SIGÜEIRO

Derrota dos modestos no Lino Balado de Sigüeiro nun partido que foi claramente de menos a máis. Unha primeira parte de cor roxo marcou o encontro e obrigou ao equipo a remar a contracorrente.

Tras o descanso, os brancos deron un paso adiante con carácter e fútbol, facéndose donos do partido, sometendo ao rival e xerando ocasións dabondo como para merecer cando menos un punto. O fútbol, ás veces, é inxusto… 

Os golazos de Caio e do xuvenil Adrián mantiveron a emoción ata o final e deixaron a sensación de que este equipo mereceu máis.

Unha bagoa polo resultado, pero tamén a certeza de que cando o Maniños é valente, compite con calquera.

Seguimos!!!

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (30-31) XANEIRO E (1) FEBREIRO

PREBENXAMÍN (2º FASE - X04): SD Valdoviño - Cultural Maniños (X)
BENXAMÍN "A" (2º FASE - X04): Cultural Maniños - CMI Club Campo "B" (ADIADO)
BENXAMÍN "B" (2º FASE - X04): Galicia Caranza - Cultural Maniños (1)
ALEVINES (2º FASE - X04): SD Libunca - Cultural Maniños (2)
INFANTILES (2º FASE - X04): Cultural Maniños - CMI Club Campo "B" (ADIADO)
CADETES (1º FASE - X13):  Cultural Maniños 5 - SD Portuarios "B" 0
XUVENILES (2º FASE - X04): Cultural Maniños 1 - AD Miño 3
VETERANOS (X15): Cultural Maniños 4 (Juan, Kevin e Javi Rico (2)) - SD Mercurio "B" 1
FEMININO (X19): Unión Campestre CF 2 - Cultural Maniños 0
FILIAL - 3ª FUTGAL (X04): Cultural Maniños 4 (Marcos, Gabri, Miguel e Gianni) - Racing San Pedro 1
AFICIONADOS - PREFERENTE GALICIA (X19):  Sigüeiro FC 3 - Cultural Maniños 2 (Caio e Adri Valdés)

NOVAS DATAS DOS PARTIDOS ADIADOS POLA SUSPENSIÓN DO (23-24) XANEIRO

Xa empezamos a ter datas dos 8 partidos adiados da xornada do (23-24) de xaneiro. 

Como ben sabedes foron no caso do noso club 8 partidos adiados e xa temos duas datas marcadas.

CADETES
Aproveitando que neste fin de seman non había xornada se recupera integramente a mesma, entón os nosos recibiran ao SD Portuarios "B" o próximo sábado 31 as 12:30 H no Pote.

PREBENXAMÍNS
A data fixada para recuperar o encontro será o próximo martes 3 de febreiro as 18:00 H no Pote e os nosos rapaces recibirán aos seús amigos da SDR Canido.

Seguiremos informando...

GO MANIÑOS

HORARIOS FIN DE SEMÁN DO (30-31) XANEIRO E (1) FEBREIRO

 

RECOÑECEMENTO E APOIO A ÁNGEL NO PARTIDO FRENTE O CIDADE DE RIBEIRA

Antes do inicio do encontro, O Pote viviu un momento moi especial. O equipo e a afección quixeron render homenaxe a nuestro Ángel, lesionado recentemente, enviándolle todo o ánimo e forza posible. 

Moito máis que fútbol, Agardamos por ti!!! 

Volverás máis forte, Ángel !!! 

CARA E CRUZ PARA OS EQUIPOS SENIOR DO CLUB QUE PUIDERON XOGAR

Segunda División – Feminino

Corme CF 4 – 0 Cultural Maniños

Desprazamento complicado para a Cultural Maniños Feminino nun campo sempre esixente. O equipo tentou competir, manter a orde e non perder a cara ao partido, pero o Corme CF estivo máis acertado nas áreas.

Toca aprender, seguir traballando xuntas e non baixar os brazos. Este equipo ten futuro e camiño por diante.

Acta do partido en www.futgal.es, preme aquí

Xurxo Rodríguez en www,radiofusion,gal, preme aquí

Terceira Futgal – Filial

C.D. Estrella Solaina 0 – 4 Cultural Maniños

Gran partido do filial da Cultural Maniños a domicilio. Equipo serio, sólido atrás e moi efectivo en ataque para dominar o encontro de principio a fin. 

Vitoria clara, traballada e moi merecida que reforza a confianza e o bo camiño do grupo.

Seguimos xuntos, seguimos traballando, seguimos crendo.

Acta do partido en www.futgal.es, preme aquí

Chiqui Dopico en www,radiofusion,gal, preme aquí

GO MANIÑOS

TRES PUNTOS BALSÁMICOS DOS MODESTOS ANTE O CIDADE DE RIBEIRA

Antes do inicio do encontro, O Pote viviu un momento moi especial. O equipo e a afección quixeron render homenaxe a Ángel, lesionado recentemente, enviándolle todo o ánimo e forza posible. Moito máis que fútbol. Volverás máis forte, Ángel.

O partido comezou cun Cidade de Ribeira decidido a mandar e impor o seu ritmo desde o primeiro minuto, pero a Cultural Maniños, ben colocada e paciente, soubo aguantar e esperar o seu momento. Co paso dos minutos, especialmente a partir do 20’, os de O Pote foron gañando terreo e controlando o xogo, volcándoo cara ao campo rival e sorprendendo a un Ribeira que empezaba a sufrir. E así no minuto 35 Julian Pardo abre o marcador tras un córner sacado por Miragaya e prolongado por Agras o segundo pau. Pouco despóis cae o (2-0), De novo Julian Pardo, culminando unha gran xogada pola dereita de Santi. Centro ao segundo pau donde Marcos cede ao medio da área e Julian empurra á rede.

Chegábase ao descanso cun (2-0) no marcador e moi boas sensacións. O equipo estaba cómodo, serio e con todo de cara.

A segunda metade comezou torcida para os de casa coa expulsión, moi rigorosa, de Miragaya. Tocou reordenarse e sufrir. O Ribeira aproveitou a superioridade numérica e deu un paso adiante, metendo atrás aos maniñeses e chegou no minuto 62 o (2-1). O conxunto visitante recortaba distancias e o partido entraba nun tramo de máxima tensión. A partir de aí, defensa numantina, solidariedade colectiva e un Mateo decisivo baixo paus permitiron á Cultural resistir ata o asubío final.

Tres puntos de ouro para seguir crendo...

O Pote volveu empuxar...

Seguimos!!! 

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (23-24-25) XANEIRO

FEMININO (X18): Corme CF 4 - Cultural Maniños 0
FILIAL - 3ª FUTGAL (X03): CD Estrella A Solaina 0 - Cultural Maniños 4 (Mathias (2), Gianni e Marcos)
AFICIONADOS - PREFERENTE GALICIA (X19):  Cultural Maniños 2 (Julián (2)) - Cidade Ribeira CF 1

NOTA:
RESTO DE PARTIDOS ADIADOS POLA RFGF POLAS ADVERSAS CONDICIÓNS CLIMATOLÓXICAS

HORARIOS FIN DE SEMÁN DO (23-24-25) XANEIRO

NOVA CONVOCATORIA NAS SUB 13 CON NOVEDADES

A semana pasada falábamos de Carmen Bermúdez e Eimy Fernández foran convocadas pola Selección SUB 13, nesta ocasíon súmase aos adestramentos da másculina, Ángel Mesa. Un moi merecido recoñocemento para o noso porteiro de infantís.

A disfrutalo !!!

DUAS VICTORIAS E UNA DERROTA COMO BALANCE DO RESTO DE EQUIPOS SENIORS DO CLUB

Segunda División – Feminino

Cultural Maniños 0 – 2 S.D.C. San Lázaro

As nosas competiron con orde e intensidade durante boa parte do encontro, pero o San Lázaro aproveitou mellor as súas ocasións . Resultado que a pesar do negativo non empaña o traballo nin a actitude dun equipo que segue medrando xornada a xornada.

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí

Terceira Futgal – Filial

Cultural Maniños 3 – 2 A.D.C. Moeche

Partido moi igualado e de moita intensidade. O filial soubo manter a calma nos momentos clave e amosou carácter para pechar unha vitoria importante nun encontro esixente ata o final.

 

 Acta do partido en www.futgal.es, preme aquí

 

Xurxo Rodríguez en www.radiofusion.gal, preme aquí

  

Terceira Futgal – Veteranos

Cultural Maniños 4 – 1 Hércules S.D.

Bo partido do conxunto veterano, serio e efectivo. A pesar de recibir un gol no minuto 1, o equipo marcou non perdeu o foco e soubo xestionar o encontro con bo xogo e contundencia, sumando tres puntos con autoridade.

Seguimos competindo con ilusión. 

 

 Acta do partido en www.futgal.es, preme aquí 

GO MANIÑOS

DERROTA POLA MÍNIMA EN ÓRDENES NUN PARTIDO MOI IGUALADO

Partido moi igualado o disputado en Órdes, deses encontros nos que, máis alá do xogo, a dinámica acaba sendo decisiva.

O equipo local iniciou mellor o choque, levando a iniciativa nos primeiros compases e achegándose con algo máis de presenza ofensiva, aínda que sen xerar ocasións excesivamente claras. Nunha acción da primeira metade, os de Ordes conseguiron adiantarse no marcador por medio de Pablo Mouriño (29’).

A partir de aí, a Cultural Maniños soubo recompoñerse e co paso dos minutos foi equilibrando o xogo, medrando co balón e convertendo o encontro nun duelo de ti a ti.

Tras o descanso, o ritmo aumentou e o partido entrou nunha fase máis esixente no plano físico.

Nos últimos minutos, co choque máis roto, o Maniños tivo as súas opcións para lograr o empate, chegando con perigo e obrigando aos locais a defenderse con todo. Neses tramos finais quedou a sensación de que, en partidos así, ás veces as derrotas chegan máis pola dinámica do momento ca polo propio xogo, e que o empate podería ter sido un resultado xusto.

Derrota mínima para os brancos, que deixan boas sensacións competitivas e confirman que o equipo segue crendo e traballando.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (16-17-18) XANEIRO

PREBENXAMÍN (2º FASE - X02): Cultural Maniños - CD As Pontes "B" (1)
BENXAMÍN "A" (2º FASE - X02):  CCRD Perlío - Cultural Maniños (1)
BENXAMÍN "B" (2º FASE - X02): Cultural Maniños - CMI Club Campo "D" (1)
ALEVINES (2º FASE - X02): SD Portuarios "B" - Cultural Maniños (2)
INFANTILES (2º FASE - X02): AD Miño 7 - Cultural Maniños 1
CADETES (1º FASE - X12):  Cultural Maniños 2 - SD Libunca 1
XUVENILES (2º FASE - X02): Cultural Maniños 4 - CD Narón "B" 0
VETERANOS (X13): Cultural Maniños 4 (Juan (2), Javi Rico e Mato) - Hércules, SD 1
FEMININO (X17): Cultural Maniños 0 - SD San Lázaro 2
FILIAL - 3ª FUTGAL (X02): Cultural Maniños 3 (Pablo P., Marcos e Miguel) - ADC Moeche 2
AFICIONADOS - PREFERENTE GALICIA (X18):  SDC Órdenes 1 - Cultural Maniños 0

HORARIOS FIN DE SEMÁN DO (16-17-18) XANEIRO

 

CARMEN E EIMY CONVOCADAS POLA SUB 13 FERROLANA

Carmen Bermúdez e Eimy Fernández foron convocadas pola Selección de Ferrol SUB 13 para unha sesión de adestramento este mércores 14 as 16:00 H no Municipal Sinde B (O Val) as órdenes das seleccionadoras da Delegación, Natalia Prieto e Marta Rodríguez.

A disfrutar da experiencia!!!

MAL COMENZO DA COSTA DE XANEIRO DOS EQUIPOS SENIORS DO CLUB

Feminino | Segunda División

U.C. Cee 4 – 0 Cultural Maniños

O equipo feminino soubo competir e resistiu con solvencia as acometidas rivais durante toda a primeira parte . Tras o descanso, e unha vez encaixado o primeiro gol, o partido entrou nunha dinámica adversa que castigou en exceso ás brancas. Resultado duro para o visto no campo, pero que non empaña o esforzo nin a loita do equipo 

Acta do partido en www.futgal.es, preme aquí

 

Xurxo Rodríguez en www.radiofusion.gal, preme aquí

Filial | Terceira Futgal

C.F. Monfero 2 – 1 Cultural Maniños

O filial golpeou primeiro e mostrou determinación e personalidade durante boa parte do encontro . O empate do Monfero no minuto 72 cambiou a dinámica do partido . O golpe sentou mal aos de O Pote, que acabaron encaixando o tanto da derrota no minuto 90, nun final cruel tras un partido moi traballado  

Acta do partido en www.futgal.es, preme aquí

 

Chiqui Dopico en www.radiofusion.gal, preme aquí

Veteranos

Olímpico C.F. B 6 - 1 Cultural Maniños

Os veteranos víronse superados por un rival con moitos recursos ofensivos . Os de O Pote trataron de levar o peso do encontro , pero as transicións rápidas e as contras do Olímpico acabaron sendo decisivas, e decantaron demasiado pronto o encontro, castigando en exceso aos brancos , que a pesar diso, nunca deixaron de creer. Pudieron acercar o resultado o brancos, pero unhas veces a mala sorte e outras o porteiro local o impediron. Hay máis fútbol nos veteráns do que reflicte o resultado, toca seguir axustando.

 

Acta do partido en www.futgal.es, preme aquí

 

GO MANIÑOS