O CULTURAL MANIÑOS DESEXAVOS FELICES FESTAS

CHOCOLATADA E XUNTANZA DA BASE DO CLUB

Onte luns despideuse o ano que non a tempada coas tradicionáis partido de pais contra nenos en todalas categorías da base acompañada dun quentiño chocolate para axudar a levar a desapacible tarde que sufrimos en Ferrolterra.

Ademáis dende a Cultural Maniños queremos felicitar a Ángel Porto e Manolo Mesa, afortunados gañadores das dúas cestas de Nadal do club aos que se entregou o seu premio aproveitando a xuntanza. Grazas a todas e todos os que participastes e colaborastes un ano máis  Parabéns Manolo e Angel!

E así cesamos a actividade na base ata o próximo ano, con risas e alegría de tod@s os alí presentes.

 Grazas a todos por participar!!!

 GO MANIÑOS

MALA XORNADA DO RESTO DE EQUIPOS SENIOR

 ⚽ SEGUNDA DIVISIÓN FEMININA

Cultural Maniños 0 – 2 Eirís, SD

Un Maniños moi diezmado foi superado por un Eirís, SD que tamén veu en cuadro por o acerto en duas xogadas puntuáis aunque recoñecendo que o dominio do xogo foi das visitantes que fixeron más para levarse os tres puntos en xogo.

Co parón navideño a ver se se pode recuperar xente para afrontar a segunda volta da competición con garantías. Non se pide máis nada...

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí

⚽ TERCEIRA FUTGAL · VETERANOS

 Club Deportivo Ciudad 2 – 1 Cultural Maniños

Si fai unha semana a ledicia invadía O Pote cun triunfo nos derradeiros intres do partido, nesta oacasión a moneda saeu cruz. O importante es que estase a competir en todolos partidos o que se ve no apretado dos resultados. 

A descansar e desconectar para coller folgos e afrontar a segunda volta a tope!!!

Acta do partido en www.futgal.es, preme aquí

GO MANIÑOS

DERROTA DOS MODESTOS PARA ACABAR O ANO

Non foi a mellor despedida do ano futbolísticamente falando ao caer ante o CD Lalín, un equipo cun gran historial deportivo, participando no seu momento na 2ª B do fútbol Nacional e do mesmo xeito que a semana pasada o SD Negreira con aspiracións a volver catar o fútbol nacional con primeira parada na 3ª Federación.

Vitoria xusta dos visitantes cun resultado quizais excesivamente avultado para o que se viu nunha desapracible tarde no Campo do Pote qu rexistró unha mala entrada xa que a tarde demandaba máis estar no sofá cunha manta que un campo de fútbol.

Adiantáronse os visitantes que aproveitaron un balón que parose no céspede pola gran cantidade de auga caída. Empataron os brancos cun lanzamento de penalti a través de Javi Miragaya. Con este resultado de táboas o partido foise ao tempo de descanso. O empate empezou a xerar certo nerviosismo nos visitantes aos que só lles valía a vitoria e un penalti de pillería dun xogador do Deza permitiu que o CD Lalín adiantásese no marcador. O terceiro gol matou o partido e xa o cuarto foi meramente testemuñal. (1-4) e os tres puntos marchan para o Manuel Anxo Cortizo.

O peor de todo sucedeu no primeiro minuto de partido coa lesión fortuíta do noso xogador Ángel López que tivo que trasladarse ao Hospital Juan Cardona para avaliar a mesma quedando pendente de probas para concretar o alcance. Ánimo Ángel !!!

Agora toca desconectar, respirar e coller folgos. A tempada non esta sendo doada e só con forza e traballando todos na mesma dirección de puede chegar ao esixente obxetivo da permanencia. 

Ningún resultado nos vai facer esquecer que o 2025 foi o mellor ano deportivo do noso Club, da nosa Cultural.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (18-19-20-21) DECEMBRO

PREBENXAMÍN (1º FASE - X08): Cultural Maniños - SDR Canido (1)
BENXAMÍN "A" (1º FASE - X09):  Cultural Maniños - SD O Val "B" (2)
BENXAMÍN "B" (1º FASE - X09): SD O Val - Cultural Maniños (2)
ALEVINES (1º FASE - X11): Cultural Maniños - SD Portuarios (2)
INFANTILES (1º FASE - X13): DESCANSAN
CADETES (1º FASE - X10):  Cultural Maniños 5 - CD Narón "C" 1
XUVENILES (1º FASE - X13): SD Libunca 2 - Cultural Maniños 12
VETERANOS (X11): CD Ciudad 2 - Cultural Maniños 1 (Javi Rico)
FEMININO (X14):  Cultural Maniños 0 -  Eirís, SD 2 
FILIAL - 3ª FUTGAL ():  DESCANSA
AFICIONADOS - PREFERENTE GALICIA (X16):  Cultural Maniños 1 (Miragaya) - CD Lalín 4

HORARIOS FIN DE SEMÁN DO (18-19-20-21) DECEMBRO

 

BOA XORNADA NO RESTO DE EQUIPOS

⚽ SEGUNDA DIVISIÓN FEMININA

S.D.C. Órdenes 1 – 1 Cultural Maniños

Reparto de puntos nun encontro moi igualado, no que as nosas competiron con personalidade e carácter ata o final. O Maniños soubo resistir nos momentos de maior presión local e respondeu con orde e compromiso colectivo. Un empate que sabe a traballo ben feito e que reforza a confianza do grupo para o que vén.

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí

⚽ TERCEIRA FUTGAL · VETERANOS

Cultural Maniños 3 – 2 S.D.C. Pastoriza

Gran vitoria dos veteranos nun partido vibrante e cheo de alternativas. O S.D.C. Pastoriza adiantouse no primeiro minuto de xogo, obrigando aos veteranos do Maniños a remar dende o inicio. Tras o paso polos vestiarios, Javi Rico asinou o empate no minuto 55, pero no 77 un penalti moi discutido volveu poñer por diante aos visitantes.

Co 1-2 no marcador afrontáronse os últimos dez minutos, pero nun final cheo de épica, os de O Pote sacaron orgullo, fe e carácter e dous goles de novo dun estelar Javi Rico nos últimos cinco minutos, culminaron unha remontada espectacular para deixar os tres puntos na casa nun final inesquecible. 

Acta do partido en www.futgal.es, preme aquí

GO MANIÑOS

BAÑO DE REALIDADE EN NEGREIRA

Partido disputado no Jesús García Calvo, un campo con historia nesta tempada, xa que foi escenario dun encontro de Copa do Rei, no que a SD Negreira enfrontouse á Real Sociedade, e que volveu esixir o máximo aos nosos.

O S.D. Negreira impuxo o seu ritmo dende o inicio, facendo valer o coñecemento do terreo e unha proposta de xogo sólida. A Cultural Maniños pola súa parte, tratou de pechar as acometidas locais, mantendo a orde defensiva e buscando saír con transicións rápidas ao ataque. Por momentos conseguiuno, pero o conxunto local foi máis continuo e efectivo nas áreas, marcando pouco a pouco as diferenzas no marcador.

A pesar da clara derrota, a sensación debe ser de vitoria: pola oportunidade de competir nun escenario deste nivel, onde a experiencia adquirida vale máis que os puntos. Un aprendizaxe que, sen dúbida, sumará resultados no futuro.

E pobre do que nos queira quitar a ilusión.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (12-13-14) DECEMBRO

PREBENXAMÍN (1º FASE - X06): SD Portuarios - Cultural Maniños (1)
BENXAMÍN "A" (1º FASE - X08): Estrella A Solaina - Cultural Maniños (1)
BENXAMÍN "B" (1º FASE - X08): Cultural Maniños  - Libunca, SD (1)
ALEVINES (1º FASE - X10): Libunca, SD - Cultural Maniños (2)
INFANTILES (1º FASE - X12): Meirás CF 2 - Cultural Maniños 4
CADETES (1º FASE - X09):  SCRD Narón O Freixo "B" 1 - Cultural Maniños 8
XUVENILES (1º FASE - X12): Cultural Maniños 1 - SCRD Narón O Freixo "B" 4
VETERANOS (X10): Cultural Maniños 3 (Javi Rico (3)) - SD Pastoriza 2 
FEMININO (X13):  SD Órdenes 1 - Cultural Maniños 1 (Lara Gorgullo)
FILIAL - 3ª FUTGAL ():  DESCANSA
AFICIONADOS - PREFERENTE GALICIA (X15):  SD Negreira 4 - Cultural Maniños 0

HORARIOS FIN DE SEMÁN DO (12-13-14) DECEMBRO

 

VALIOSO EMPATE DO FEMININO NO POTE

FINAL DO XOGO | Segunda División feminina
Cultural Maniños 0 – 0 Brexo Lema S.D.

Partido moi condicionado polo forte vento en O Pote e polas numerosas baixas das locais. A pesar das dificultades, as guerreiras maniñesas competiron de inicio a fin, mantendo sempre a intensidade e o orde defensivo.

Nova portería a cero e boas sensacións dun equipo que non deixa de crecer.

Dous partidos, 4 puntos e moito mérito polo traballo colectivo. Moitas razóns para seguir crendo.

GO MANIÑOS

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí

DERROTA DOS MODESTOS ANTE O BETANZOS CF

O partido estivo marcado dende o inicio polo forte vento 🌬️ que condicionou cada acción. Nese contexto, o Betanzos amosouse sólido e con moito oficio ⚔️, aproveitando as dúas ocasións claras das que dispuxo para poñerse por diante no marcador.

O Maniños nunca lle perdeu a cara ao encontro 💪. Co paso dos minutos foise asentando, mantendo a intensidade e competindo cada balón. Na recta final chegou a mellor versión dos de O Pote: presión alta, recuperacións rápidas e varias chegadas con perigo 🔥 que fixeron traballar ao rival, aínda que sen conseguir o gol que metese ao equipo no partido.

Derrota complicada pero con detalles positivos que invitan a seguir.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (5-6-7) DECEMBRO

ALEVINES (1º FASE - X07): Cultural Maniños  - Galicia Caranza (2)
INFANTILES (COPA): Cultural Maniños 4 - CD Narón 2
FEMININO (X13): Cultural Maniños 0 - Brexo Lema, SD 0 
AFICIONADOS - PREFERENTE GALICIA (X14):  Cultural Maniños 0 - Betanzos CF 2

CAMPAÑA DE NADAL 2025

 

HORARIOS FIN DE SEMÁN DO (5-6-7) DECEMBRO

 

V GALA DO DEPORTE DE FENE

Celebrouse o pasado sábado 29 no Pabellón da Xunqueira de San Valentín a V GALA DO DEPORTE DE FENE organizado pola Consellería de Deportes do Concello de Fene na que homenaxeouse aos mellores deportistas e Clubs nas diferentes modalidades. 

O noso Club tivo o recoñecemento aos modestos polo campionato de Primeira Galicia. Tamén fixose unha mención a nosa presi, Puri Hermida pola sua traxectoria deportiva.

Grazas!!!

PRESENTACIÓN DA PRIMEIRA PEÑA FENESA DO RACING "PEÑA EL CAMAROTE"

O pasado xoves 27 o Cultural Maniños representado pola súa presidenta, Puri Hermida, acudeu ao Salón de Plenos do Concello de Fene a presentación da primeira peña fenesa do Racing Club Ferrol, a "Peña El Camarote" sita no bar do mesmo nombre na Av. Naturais do Concello fenés onde recibeuse un agasallo pola súa parte e con motivo da data.

Moita sorte amigos!!!

DE TODO NO RESTO DA XORNADA

✅ FEMININO – SEGUNDA DIVISIÓN

A.D.N. Nicarariense 0 – 1 Cultural Maniños

⚽️ Gol: Andrea

Duelo fratricida 🔥 entre dous equipos necesitados, no que quen gañase daba un paso clave para saír da zona complicada da táboa. As nosas fixérono posible cun partido serio, valente e traballado 💪.

O gol de Andrea 💥 decidiu un encontro intenso no que o Maniños soubo sufrir, competir e defender o resultado ata o final. Tres puntos de ouro 🟡!!

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí


❌ FILIAL – TERCEIRA FUTGAL

Xuventud Cabanas 3 – 0 Cultural Maniños

Derrota dura 😓 para o filial nun partido no que os locais estiveron máis acertados. O Maniños deixou boas fases de xogo 👏, pero varios erros puntuais pasaron factura.

Toca seguir traballando e non baixar os brazos ⚔️. O equipo ten marxe e actitude para mellorar!

Acta do partido en www.futgal.es, preme aquí

Álvaro "Chiqui" Dopico  en www.radiofusion.gal, preme aquí

🟰 VETERANO – LIGA DE VETERANOS

Atlético Arteixo 1 – 1 Cultural Maniños

⚽️ Gol: P. P.

Empate moi meritorio 💥 ante o segundo clasificado. Os veteranos fixeron un partidazo: serios, intensos e moi competitivos.

O gol chegou nun córner sacado por Mato, que un xogador do Arteixo desviou á propia portería ⚽️➡️🟥.

Na segunda metade os de O Pote foron mellores, tiveron ocasións claras ✨ e mesmo puideron gañar, pero o balón non quixo entrar 😤.

Gran punto e mellores sensacións! 🤍💪

Acta do partido en www.futgal.es, preme aquí

GO MANIÑOS

EMPATE MOI VALIOSO DOS MODESTOS EN MIÑO

🔥 Derbi intenso en Gallamonde e punto moi valioso para o Cultural Maniños.

O Cultural Maniños sacou un punto de moito mérito no derbi local fronte ao Miño, nun partido cheo de emoción, pelexa e moitas alternativas ⚪️.

O encontro comezou cun Miño querendo levar o control, pero atopouse cun Maniños moi intenso, capaz de levar o partido ao seu terreo 💪. A pesares diso, os locais adiantáronse no 27’ cun tanto que puxo a situación costa arriba ❌.

Pero a reacción non tardou: no 30’, Hugo Cociña transformou con moita frialdade ☃️ un penalti que puxo o 1-1 no marcador.

Na segunda metade todo seguiu moi aberto 🔄. No 83’, o Miño aproveitou un erro puntual para facer o 2-1 😣. Apareceu entón o carácter dos de O Pote: líneas arriba, empuxe total e un rival que tivo varias contras que non aproveitou ⚠️.

E cando o partido xa morría… no 90’+3’, apareceu Marcos Piñeiro para rematar un córner no segundo pau e asinar o 2-2 definitivo ⚽️⏱️🔥.

Un empate agónico, traballado e cheo de personalidade, que sabe a punto valioso polo escenario e por como se produciu nun derbi sempre especial 🤍.

💯 Orgullo dos nosos. Seguimos!!!

GO MANIÑOS

 Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (28-29-30) NOVEMBRO

PREBENXAMÍN (1º FASE - X07): Cultural Maniños - SD O Val (2)
BENXAMÍN "A" (1º FASE - X07): Cultural Maniños - CD Narón "B" (2)
BENXAMÍN "B" (1º FASE - X07): Racing San Pedro - Cultural Maniños (2)
ALEVINES (1º FASE - X07): SD Rápido Neda - Cultural Maniños (1)
INFANTILES (1º FASE - X11): Cultural Maniños 3 - Cedeira, SD 6
CADETES (1º FASE - X09):  Cultural Maniños 1 - Meirás CF 4
XUVENILES (1º FASE - X10): Galicia Caranza "B" 3 - Cultural Maniños 2
VETERANOS (X09): At. Arteixo 1 - Cultural Maniños 1 (Mato) 
FEMININO (X12):  AD Nicrariense 0 - Cultural Maniños 1 (Andrea)
FILIAL - 3ª FUTGAL (COPA - X09):  Xuventud Cabanas 3 - Cultural Maniños 0 
AFICIONADOS - PREFERENTE GALICIA (X13):  AD Miño 2 - Cultural Maniños 2 (Hugo e Marcos Piñeiro)

HORARIOS FIN DE SEMÁN DO (28-29-30) NOVEMBRO

 

SEGUIMOS NA MALA XEIRA DO RESTO DE EQUIPOS SENIORS

 ❌ FEMININO | Segunda División 

CULTURAL MANIÑOS 2 – 8 VICTORIA FC “C”

⚽ Goleadora: Andrea (2)

As nosas afrontaban un duelo complicado ante un rival con moita pegada. A pesares da dificultade, o equipo non deixou de competir e Andrea conseguiu dous grandes goles que amosan o esforzo e a ambición das brancas.

A seguir medrando, aprendendo e loitando cada semana.

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí


❌ FILIAL | Terceira Galicia 

CULTURAL MANIÑOS 0 – 2 S.D.C.Y.R. NARÓN O FREIXO

Derrota do filial nunca partido de guante branco marcado polas expulsións de 3 xogadores, demasiado rigorosas a todas luces, que desvirtuaron o partido.

Un gol no primeiro minuto e outro na resta final do mesmo decidiron un encontro máis igualado do que reflicte o electrónico.

Toca seguir traballando e acumulando experiencia 💪

Acta do partido en www.futgal.es, preme aquí

Álvaro "Chiqui" Rodríguez en www.radiofusion.gal, preme aquí

 
🟰 VETERANOS | Terceira Futgal 

CULTURAL MANIÑOS  0 – 0 SPORTING CORUÑÉS

Empate sen goles nun partido no que os de O Pote foron claramente superiores durante boa parte do encontro. 

Os brancos dominaron o xogo, chegaron con perigo e levaron a iniciativa, pero a falta de claridade nos metros fináis impediu atopar o gol. Un punto que sabe a pouco e deixa aos brancos ás portas de sumar 3 puntos moi necesarios.

Toca seguir insistindo e confiando no bo camiño tomado

Acta do partido en www.futgal.es, preme aquí

GO MANIÑOS

EMPATE AGRIDOCE DOS MODESTOS NA POBRA DO CARAMIÑAL

Dominio sen premio nun campo difícil.O encontro estivo condicionado desde o inicio polo estado do terreo de xogo. A choiva caída converteu o céspede natural nun escenario pesado, onde o balón rodaba lento e dificultaba a circulación. A pesar diso, o Maniños mostrouse moi serio, sen pasar ningún apuro defensivo ante un Puebla que buscou balóns en longo esperando o fallo rival.

Ocasións claras e superioridade numérica. Na primeira metade, o equipo tivo o gol moi preto cunha espectacular chilena de Santi que marchou fóra por moi pouco. O partido púxose aínda máis de cara cando o Puebla quedou cun menos tras unha patada sen balón sobre Jaime Urbano no min 33 da primeira parte.

Tralo descanso, o Cultural deu un paso adiante. O equipo axustou o debuxo táctico e pechou ao rival no seu campo. Hugo tivo nas súas botas o gol en dúas ocasións, con dous disparos que marcharon rozando o pau. O control era dos visitantes, pero o Puebla resistía.

Con todo, o fútbol foi cruel. No minuto 66, nunha xogada illada, un centro dende a dereita sen perigo aparente rematou no fondo da rede tras unha acción desafortunada. O (1-0) foi un xarro de auga fría para un equipo que fixera méritos de sobra para levar os tres puntos.

Lonxe de virse abaixo, o Maniños seguiu insistindo, e no 72 Julián apareceu para empatar cun remate certeiro que poñía xustiza no electrónico.

Coas tablas no electrónico, o Maniños continuou empurrando, buscando a vitoria ata o final, pero faltou a concreción final para culminar un bo partido. O empate final deixa un sabor agridoce, xa que puido ser a vitoria, pero as boas sensacións mostran o camiño a seguir.

Empate que sabe a pouco, pero que deixa boas sensacións e mostra o camiño a seguir.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.eu, preme aquí

RESULTADOS FIN DE SEMÁN DO (21-22-23) NOVEMBRO

PREBENXAMÍN (1º FASE - X06): DESCANSAN
BENXAMÍN "A" (1º FASE - X06): SD Rápido Neda "A" - Cultural Maniños (1)
BENXAMÍN "B" (1º FASE - X06): Cultural Maniños - Galicia Caranza (1)
ALEVINES (1º FASE - X06): Cultural Maniños - Eume (2)
INFANTILES (1º FASE - X10): Racing San Pedro 1 - Cultural Maniños 4
CADETES (1º FASE - X08):  Cultural Maniños 9 - CD As Pontes "B" 3
XUVENILES (1º FASE - X09): Cultural Maniños 1 - CD As Pontes 7
VETERANOS (X08): Cultural Maniños 0 - Sporting Coruñés 0 
FEMININO (X11):  Cultural Maniños 2 (Andrea (2)) - Victoria CF "C" 8
FILIAL - 3ª FUTGAL (COPA - X08):  Cultural Maniños 0 - Narón Freixo 2
AFICIONADOS - PREFERENTE GALICIA (X12):  Puebla CF 1 - Cultural Maniños 1 (Julián)

HORARIOS FIN DE SEMÁN DO (21-22-23) NOVEMBRO

OUTRA XORNADA PARA ESQUECER NO RESTO DE EQUIPOS SENIORS DO CLUB

FEMININO | Segunda División

Bergantiños C.F. “B” 4 – 0 Cultural Maniños

 

 
Partido duro para as nosas, que loitaron ata o final ante un rival moi acertado de cara a portería. O Maniños buscou as súas opcións e mantivo a intensidade, pero esta vez non chegou o premio . Toca seguir traballando, aprendendo e medrando cada xornada. A ilusión non nola quita ninguén!  

 

Acta do partido en www.futgal.es, preme aquí

Xurxo Rodríguez en www.radiofusion.gal, preme aquí

FILIAL | Terceira Galicia

C.F. Monfero 6 – 1 Cultural Maniños “B” (Marcos)

Derrota clara dun filial que, aínda así, competiu con orgullo e seguiu buscando a súa identidade sobre o campo. O gol de Marcos puxo a nota positiva dun encontro no que o Monfero estivo máis acertado nas áreas.

Toca seguir aprendendo, acumulando minutos e medrando como equipo. O camiño faise andando.

Acta do partido en www.futgal.es, preme aquí

Álvaro "Chiqui" Dopico en www.radiofusion.gal, preme aquí

VETERANOS | Terceira Futgal

Club de Mar Caion 4 – 1 Cultural Maniños (Michu)

Os veteranos deixárono todo na pista nun partido moi esixente. O Club de Mar estivo máis efectivo nos momentos clave, pero os nosos mantiveron carácter, orgullo e non deixaron de competir nin un só minuto. O grupo segue crecendo e demostrando compromiso semana tras semana. A por máis!!!  

 

Acta do partido en www.futgal.es, preme aquí 

 

 GO MANIÑOS

DURA E INXUSTA DERROTA DOS MODESTOS ANTE O BURELA

Partido de moitísimo ritmo e intensidade o vivido onte no Pote. O Burela entrou forte, con presión alta e buscando golpear primeiro, pero o Maniños soubo resistir, manter a orde e incluso saír con claridade ao ataque facendo dudar o rival ️.

A ocasión máis clara da primeira metade chegou tras unha espectacular chilena de Hugo, que puido poñer por diante aos brancos cun golpeo de mérito. Deixounos tamén accións polémicas. Primeiro, un penalti por man que o colexiado interpretou fóra da área, ante a protesta do Pote. Co (0-0) chegouse ao descanso.

Na reanudación, o guión mantívose: un Burela intentando levar o partido ao seu ritmo e un Maniños sólido, intenso e moi metido no encontro. Chegou o único tanto do partido, precedido dunha falta sobre un xogador branco que o árbitro non considerou suficiente para invalida-la acción pese a chamada esteril do auxiliar para sinalar a falta.

Un golpe duro para un Maniños que estaba competindo a gran nivel.

Nos instres finais puido, e era merecido que chegara o empate, pero a sorte estivo esquiva para os maniñeses...

Malia o resultado, este equipo compite, loita e non baixa os brazos nunca .

Toca seguir, aprender e manter intacta a ilusión.

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí