HORARIOS PARTIDOS FIN DE SEMANA (28-29-30) ABRIL

 

OS VETERANOS EMPATAN NUN PARTIDO QUE NON SOUPERON CERRAR

Empate dos veteranos ante o Ural Español CF Volta Xentes "B" que deixou un sabor agridoce aos brancos que non souberon pechar o partido cando parecía que estaba gañado. E non é a primeira vez que se ten esa sensación de derrota aínda que non sexa ese o resultado (o anterior partido ante o Cambre por exemplo). E é que se está comprobando que unha vez que se fixo o máis difícil como foi darlle a volta ao marcador o equipo segue igual de alegre, mirando para adiante cando o que hai que facer preferentemente é coidarse as costas. E aínda que é moi bonito atacar para gañar partidos o primeiro é defender e non dar opcións ao rival. E isto non é unha crítica senón unha reflexión e o que está a suceder nos últimos partidos en O Pote. 

Ahitor a punto de detener el penalti favorable al Ural
(Foto: Mercedes Lamas)

O partido comezou con claro dominio branco que non foi capaz de adiantarse no marcador aproveitando os coruñeses un rigoroso penalti que estivo a piques de deter Ahitor. A pesar dos numerosos esforzos por neutralizar o gol visitante non foi ata a última xogada da primeira parte cando Marcos Sánchez desde moi lonxe superou ao meta herculino. (1-1) e partido ao descanso. A segunda parte comezou cun golazo do equipo visitante, espectacular xogada individual de Ambrosio que despois de desfacerse de varios defensas superou a Ahitor por baixo. Golazo e (1-2). Faltando 20 minutos o máis pequeno, Mon, dun certeiro cabezazo en boca de gol puxo as táboas para pouco despois Iván nunha preciosa xogada puxo o (3-2). Xa na recta final os visitantes aproveitáronse do descontrol do partido e dunha clara falta a Iván que foi empuxado por un atacante do Ural ante a cegueira habitual de Abol que é un Colexiado que nin está nin se espera.

Iván anotando o terceiro gol dos brancos
(Foto: Mercedes Lamas)

Tampouco hai que facer un drama disto. Isto é un xogo para divertirse. Gañar está ben pero non é o máis importante. O importante é gozar do fútbol e do terceiro tempo con compañeiros e rivais...

GO MANIÑOS

Acta do partido en www.futgal.es, preme aquí

O FEMININO DERROTA AO DISCALZAS EN UN GRAN PARTIDO

Gran partido o disputado na tarde do sábado ante unha gran presenza de público no campo entre dous equipos que manteñen unha excelente relación como son o Maniños e o Discalzas. Neste partido púidose percibir a gran melloría dos equipos de Ferrolterra no fútbol 11 non esquecendo de onde vén porque non podemos nin debemos esquecer que fai un curso ambos equipos competían na liga de fútbol 7 e iniciaron a súa andaina polo fútbol 11 cos medos típicos de ¿adaptarémonos?...hoxe en día ambos os equipos xunto ao outro novato, Galicia de Caranza son unha auténtica realidade. 

Lore a "Pichichi" do equipo, anotou o segundo gol
(Foto: @Bisbarraenxogo)

O partido moi competido desde o principio con iniciativa branca e máis control do balón, despóis de varias ocasións, Pau aproveitou un balón parado para adiantarse á defensa visitante e adiantar ás brancas no marcador. Cun control branco do partido pero sen aproveitar ningún máis dos seus achegamentos o partido chegou ao descanso co coñecido (1-0). 

Pau abreu o marcador na primera metade
(Foto: @Bisbarraenxogo)

A segunda parte seguiu coa iniciativa branca e en dous zarpazos conseguiu sentenciar o partido, primeiro Lore na súa cita semanal co gol (firma 22) e posteriormente Mishelle finalizando unha gran xogada combinativa das brancas. O (3-0) deixou o partido visto para sentenza, deixándose pasar o tempo e realizando os pertinentes cambios. María faltando 5 minutos anotou o tanto da honra visitante deixando o resultado no coñecido (3-1) que reflicte o sucedido no terreo de xogo.

Por tanto vitoria xusta das brancas ante un gran rival que está a realizar un gran labor tanto o seu plantilla como o seu técnico Fran Bellas. Desexarlle toda a sorte ás cedeirenses no que queda de tempada. Por parte do Maniños a tentar continuar con esta boa dinámica e que mellor que xogando contra o Caranza a domicilio no que será para as brancas o seu último derbi local liga.

Gran traballo EQUIPO!!!

GO MANIÑOS

Acta do partido en www.futgal.es, preme aquí

Juanjo Cebolo en www.radiofusion.eu, preme aquí

REMONTADA DO FILIAL ANTE O ESTRELLA

Se nos paramos a mirar o resultado pode parecer que foi un paseo para o filial, pero en absoluto foi así e houbo que poñerse o mono de traballo e "sachar" campo para poder superar ao apreciado Club do Barrio de Santa Icia.

O filial na previa do partido posando co chandal do spónsor
TALLERES GARCÍA (Monfero)

E é que a pesar de que os brancos saíron moi enchufados con varios achegamentos á  portería visitante, a falta de acerto condenou aos brancos e así cando o partido transcorría tranquilo unha rápida contra dos visitantes e nunha posición ao límite do fose de xogo, o visitante Yassine superaba a Arnoso por baixo poñendo o (0-1) no marcador. O gol sentou como un xarro de auga fría aos brancos que non se recuperaron no que faltaba de primeira parte sen crear xa nesta recta final ningunha ocasión clara de gol. A sensación era de que gol podía cambar todo, pero non chegaba... (0-1) e ao descanso.

(2-1) Gol de Alex Feal (Minuto 78)

A segunda parte empezou como acabou a primeira cun asedio dos brancos máis co corazón que coa cabeza aínda que daba as sensación que os visitantes quizais por un bajón físico cada vez daban un paso máis atrás e de feito case o fundamental para os visitantes era sacar o balón da área pero o gol non chegaba. Ao bordo da cuarto da área chegou o empate nunha desas mans que a ves pitan e outras non. Mans claras dun balón procedente dun rebote do mesmo xogador... O lanzamento é transformado por Brais poñendo as táboas no marcador e case media hora por diante. Faltando pouco máis de 10 minutos, un gran pase do xuvenil Alex a Alex Feal que empezou a carreira co defensa coa posición perdida pero no último momento mete a punteira e sáelle un disparo raso e axustado ao poste que bate ao meta visitante poñendo o (2-1). De aí ao final o Maniños xa é dono e señor do partido e así Cristofer transforma un penalti feito ao propio xogador. Penalti moi protestado polo equipo visitante ao considerar que a derriba se produciu fose da área. Finalmente no tempo de desconto unha clara derriba ao xuvenil Iker que foi transforma o propio Iker no definitivo (4-1).  Comentar que despois do empate a 1, o local Golpe é expulsado por dobre amarela co que a remontada é cun xogador menos. Tamén foi expulsado un xogador visitante nos instantes finais do partido. (4-1) final, un resultado un tanto avultado polo visto sobre o terreo de xogo o que non embaza a merecida vitoria dos brancos. 

O filial consolida a segunda posición tras a derrota do ADC Moeche ante o ACD A Capela en terras modestinas que fai que agora a clasificación para a seguinte fase estea un pouco máis preto aínda que quedan tres xornadas e haberá que loitar sen tregua ata o final. Moita sorte ao CF Estrella no que resta de tempada.

Bo traballo equipo!!!

GO MANIÑOS

Acta do partido en www.futgal.es, preme aquí

Michel Rodríguez en www.radiofusion.eu, preme aquí

DERROTA POLA MÍNIMA DOS MODESTOS NO CAMPO DO LÍDER

Difícil saída a desta fin de semana a Gallamonde para enfrontarse ao líder da competición, a AD Miño equipo que afronta a recta final da competición nunha inmellorable posición sendo un máis que firme candidato ao título de liga e o consecuente ascenso a Preferente Galicia. E así foi aínda que o partido saldouse con vitoria para os locais inmersos nunha dinámica positiva que sempre é favorable nos momentos de igualdade que é o que realmente sucedeu sobre o terreo de xogo e onde só os detalles fixo que se lle escapase un punto ao Maniños. 

Saúdo inicial en Gallamonde

O partido empezou con moito respecto por ambas as partes sen ningunha ocasión para apuntar por ningunha das dúas partes e cun Miño esperando a súa oportunidade en forma de aproveitar algún fallo, algunha imprecisión, ben ordenado e coa súa habitual tranquilidade. E así foi, nunha xogada sen aparente perigo, un balón bombeado que parecía que se ía fóra, pero ao que chegou un dianteiro local para metela na área pequena e aí de cabeza outro xogador local adiantaba ao Miño. Pouco despois e produciu unha xogada clave, penalti por mans dun defensor local tras un centro de Juanito. O lanzamento de Iago foi detido polo meta do Miño impedindo o empate. Sen moito máis que contar foron transcorrendo os minutos para finalmente chegar ao tempo de descanso co coñecido (1-0). 

Bo ambente en Gallamode coa presencia de siareiros
de ambos equipos

A segunda parte empezou dunha maneira inmellorable para os locais debido a que nunha rápida contra dobraban o marcador. O único bo é que quedaba toda a segunda parte por diante. Pronto os brancos acurtaron distancias ao rematar de cabeza Dani Rey un saque de esquina perfectamente executado. O resto do partido co mesmo guión, balón para os brancos que tiveron varios achegamentos pero sen crear un perigo real ata que de novo os locais aproveitaron outra imprecisión para poñer o (3-1). Ipi acurtou distancias faltando 3 minutos e con (3-2) xogouse o desconto pero xa non se xogou máis e o Miño tirando de oficio levou os tres puntos nun partido que podía acabar en empate pero a efectividade case ao 100% (do mesmo xeito que na primeira volta) permitiulle sumar os tres puntos. Tamén hai que recoñecer ese punto máis de intensidade polo feito de ser para os locais unha final cada partido de aquí ao final de liga.  

Ipi nunha xogada na segunda metade

Non foi un mal partido do Maniños que tratou de ti a ti a un líder que sen dúbida o é por efectividade e experiencia en saber gañar este tipo de partidos e é algo que o Maniños debe mellorar se quere aspirar a cotas máis altas. Debutou Aitor no primeiro equipo ao que acompañou Jaime do filial, un habitual nas últimas convocatorias.

Quedan tres xornadas de liga e hai que seguir dignificando a competición pelexando ata o último segundo do último partido.

O vindeiro domingo visita O Pote outro bo equipo como é o Club do Mar de Caión que na ida superou aos brancos nun polémico partido resolvido nos instantes finais.

GO MANIÑOS 

Acta do partido en www.futgal.es, preme aquí

Pablo Mesa en www.radiofusion.eu, preme aquí

RESULTADOS PARTIDOS FIN DE SEMANA (21-22-23) ABRIL

PREBENJAMINES (LIGA 2ª FASE - J14): DESCANSAN
BENJAMINES (LIGA 2ª FASE - J12): Cultural Maniños - FC Ortigueira (1)
ALEVÍN "B" (LIGA 2ª FASE - J15): Cultural Maniños - FC Ortigueira "B" (1)
ALEVÍN "A" (LIGA 2ª FASE - J15): EF Irmandiños "B" - Cultural Maniños (2)
INFANTILES (LIGA - 2 ª FASE J14): SD Ánimas "B" 8 - Cultural Maniños 0
CADETES (LIGA - 2 ª FASE J14): CD Narón 5 - Cultural Maniños 1
JUVENILES (LIGA - J31): CD Narón 9 - Cultural Maniños 2 (Joshua e Edu)
FEMININO F11 (LIGA - J23):  Cultural Maniños 3 (Pau, Lore e Mishelle) - SD Discalzas 1
VETERANOS (LIGA - J25): Cultural Maniños 3 (Marcos Sánchez, Mon e Iván) - Ural Español "B" 3
AFICIONADOS - 2ª GALICIA : (LIGA - 2ª FASE - J07): Cultural Maniños 4 (Brais, Alex Feal, Cristofer e Iker) - CF Estrella 1
AFICIONADOS - 1ª GALICIA (LIGA - J31): AD Miño 3 - Cultural Maniños 2 (Dani Rey e Ipi)

VICTORIA DO XUVENIL NO PARTIDO APLAZADO

O equipo xuvenil derrotou ao Racing San Pedro por (5-1) no partido que quedaba pendiente da liga de esta categoría. De este xeito o cadro de Michel Rodríguez ten xogados os 30 partidos de liga pertinentes e está preparado para afrontar os derradeiros 4 paridos de liga.

Partido de dominio branco pese a que empezaron por detrás no marcador. Anotaron Edu (2) e Joshua (3).

Cultural Maniños, SD - Temporada 22/23 - XUVENÍS
O Pote, (19.04.23)
Pe: Diego, Carlos, Armen, Miguel, Edu, Pedro, Elena,
Alex, Pablo, Joshua, Joel e Michel.
Anicados: Martín, Iker, Víctor, Alex Muiño,
Yerai, Samu, Naim e Marcal.

A seguir traballando!!!

GO MANIÑOS

HORARIOS PARTIDOS FIN DE SEMANA (21-22-23) ABRIL

 

HOXE XÓGASE O PARTIDO APRAZADO DE XUVENÍS

Será en O Pote a partir das 19:30 H. e o rival será os nosos amigos do Racing San Pedro. 

Con este partido, o Club queda ao día e non ten ningún partido pendente por disputar. 

Sorte equipo!!! 

GO MANIÑOS

OS VETERANOS EN CUADRO ROMPEN A SÚA MALA DINÁMICA EN ELVIÑA

O equipo de veteranos conseguiu unha brillante vitoria nos Campos de Elviña ao derrotar ao CD Nos por (0-4) con goles anotados por Marcos Sánchez, Mon, Ricardo e Aitor, nun partido de clara cor branca e no que debería todo ser felicidade.

E non é así...

Con 28 licenzas federativas non se pode ir aos campos 11...sabemos que hai lesións, traballos, compromisos persoais...pero non se pode ir 11 -12 por costume. Non pode ser... 

O noso recoñecemento aos 11 guerreiros que un día se e outro tamén están a defender o escudo do Maniños. E o noso respecto a todos aqueles que por circunstancias xustificadas non poden ir...

Cultural Maniños, SD - VETERANOS
Campo de Elviña, (16.04.23)
CD Nos 0 - Cultural Maniños 4
Pe esq a der: Marcos Sánchez, Marcos, Roel, Iván, Sergio,
Jony e Aitor.
Anicados esq a der: Javi Allegue, Ricardo, Hugo e Mon.
(Foto: Mercedes Lamas)

Autocrítica...

Que ninguén nos borre o sorriso!!!

GO MANIÑOS

Acta do partido en www.futgal.es, preme aquí

TRIUNFO INAPELABLE DAS NOSAS NO DERBI FENÉS

Vitoria clara e contundente do noso feminino na súa visita a Os Pinares no derbi fenés nun partido que xa estaba decidido ao termo dos primeiros 45 minutos de partido. 

O Maniños fixo unha gran primeira parte non dando opcións ás locais aínda que estas foron capaces de igualar a contenda despois de que as brancas adiantáronse en dúas ocasións por medio de Cris e Pau. As locais nunha arrancada poñer as táboas no marcador para a continuación Mishelle poñer o (2-3). Antes do descanso Sheila e Mishelle puxeron dous tantos máis. O partido foise ao descanso cun claro (2-5) cun gran xogo branco especialmente cunha gran saída de balón que permitiu ao Maniños dominar o partido e o control do balón. 

A segunda parte na que case non partiu cun equipo local moi decimado polos problemas físicos que estaba a sufrir. O Maniños fixo o seu partido anotando un gol máis por medio de Lore e errando un penalti. Non facía falta máis. O derbi viña para O Pote.

Tres puntos que permite ás de Juanjo afianzar ao equipo nunha meritoria 6ª posición na súa primeira experiencia no fútbol 11. 

30 puntos para afrontar as 4 últimas xornadas de liga. Gran traballo de tod@s!!!

Seguimos igual!!!

GO MANIÑOS

Acta do partido en www.futgal.es, preme aquí

Juanjo Cebolo en www.radiofusion.eu, preme aquí

AMARGO EMPATE DO FILIAL NA CAPELA

Cruel empate do filial cando xa se estaba fregando as mans pensando que xa levaba os tres puntos en xogo pero que lamentablemente para os intereses brancos non puido ser así xa que na que foi última xogada do partido unha "faltita" moi discutida ao bordo da área visitante foi executada por un xogador verdibranco e o lanzamento despois de golpear o traveseiro nun par de ocasións, non se pode asegurar que o balón traspasou a liña de gol...cuestión de fe...o caso é que a vitoria estivo moi preto e escapouse entre as xemas dos dedos...

Aitor anotou o tanto do filial
(Foto: Uxía Calvo)

Os rapaces de Michel queixáronse de certas decisións arbitrais especialmente un gol anulado e a falta que ocasionou o gol aínda que asumen o acerto do Colexiado no penalti con que foron castigados que foi detido por un Arnoso espectacular. No cómputo xeral do partido e polas ocasións o empate puido ser xusto pero non fose ningunha inxustiza a vitoria fenesa. O gol branco foi obra de Aitor ao recibir un excelente pase de Cristofer. 

Carlos Arnoso un porteiro de outra categoría

(Foto: Uxía Calvo)

Isto segue, estase segundo cun punto de vantaxe sobre o ADC Moeche e agora cun importante partido ante o CF Estrella onde se necesitará sumar os tres puntos para facer bo o empate en Vos Calzados.

Desexarlle toda a sorte ao ADC A Capela no que resta de tempada agredeciéndole o seu bo trato.

GO MANIÑOS

Acta do partido en www.futgal.es, preme aquí

Michel Rodríguez en www.radiofusion.eu, preme aquí

VICTORIA ANTE O BOIMORTO NUN PARTIDO MARCADO POLO FORTE CALOR

O partido deste domingo xogado ante o Boimorto CF no vai a ser lembrado nin polo seu xogo nin pola súa intensidade senón pola tremenda calor que pasou madeixa a todos os alí presentes especialmente xogadores como é lóxico porque quizais a explosión de calor por falta de costume e co corpo non aclimatado fixo que o partido se sacase adiante boamente como se puido. 

Saída dos equipos cos nen@s do Alevín "B"
(Foto: Abraham Santos)

Non se pode destacar nada deste partido xogado a un ritmo lento tanto por un equipo como polo outro, especialmente por parte do Boimorto que acudiu á cita moi minguado de efectivos e que ademais sufriu dúas lesións antes da media hora de partido, unha muscular e outra no xeonllo que esperemos non sexan graves. O caso é que loxicamente o Boimorto veu facer o seu partido que consistía xogar a ritmo lento e que non pasase nada dentro dun partido de exquisita deportividade. E con ese guión xogouse o partido con moi poucas ocasións de gol por ambas as partes e con este guión terminou a primeira metade xa que salvo dúas oportunidades de Ipi ben resolta polo meta vermello e unha do Boimorto pouco máis aconteceu. O Maniños iso se protestou unha derriba a Miragaya preto do descanso que o árbitro considerou que non era motivo de penalti. (0-0) e a recuperar forzas aos vestiarios. 

Ángel conducindo un balón
(Foto: Abraham Santos)

Na segunda parte o Maniños levou o mango do partido pero seguinse sen ser produtivo para portería. Pola súa banda o Boimorto xa non inquietou a Mateo máis en toda este período salvo nun despexe do meta local que golpeou ao reaparecido Rober e deu o susto da tarde á parroquia local. Neste escenario o partido rompeu no minuto 72 cun penalti sinalado polo colexiado por mans dun defensor visitante que foi transformado por Iago. De aquí ao final varias opcións máis para matar o partido, especialmente una de Ángel moi clara que saíu en inmellorable posición lambendo o poste e xa finalizando Ipi nunha contra supera ao meta visitante. Aínda outra opción para os locais que de acertar fose un marcador quizais excesivo para os merecementos duns e outros.

Chata pelexando un balón aéreo
(Foto: Abraham Santos)

Vitoria xusta dos brancos nun partido que non pasará á historia polo seu xogo. Desexarlle sorte ao Boimorto CF no que resta de tempada e agora a por os catro partidos que faltan para conseguir a mellor clasificación posible. O vindeiro domingo visita a Miño para enfrontarse ao líder, gran favorito para o título de liga e consecuente ascenso de categoría.  

Seguimos equipo, un esforzo final!!!

GO MANIÑOS

Acta do partido en www.futgal.es, preme aquí

Pablo Mesa en www.radiofusion.eu, preme aquí

RESULTADOS PARTIDOS FIN DE SEMANA (14-15-16) ABRIL

PREBENJAMINES (LIGA 2ª FASE - J14): Cultural Maniños - CCRD Perlío (2)
BENJAMINES (LIGA 2ª FASE - J11): Racing San Pedro - Cultural Maniños (2)
ALEVÍN "B" (LIGA 2ª FASE - J14): CD As Pontes - Cultural Maniños (X)
ALEVÍN "A" (LIGA 2ª FASE - J14): Cultural Maniños - SD Portuarios (1)
INFANTILES (LIGA - 2 ª FASE J13): DESCANSAN
CADETES (LIGA - 2 ª FASE J13): DESCANSAN
JUVENILES (LIGA - J30): Cultural Maniños 1 (pp) - Galicia de Mugardos 4
FEMININO F11 (LIGA - J22):  CCRD Perlío 2 - Cultural Maniños 6 (Cris, Pau, Mishelle(2), Sheila e Lore)
VETERANOS (LIGA - J24): CD Nos Coruña 0 - Cultural Maniños 4 (Mon, Marcos Sánchez, Ricardo e Aitor)
AFICIONADOS - 2ª GALICIA : (LIGA - 2ª FASE - J06): ADC A Capela 1 - Cultural Maniños 1 (Aitor)
AFICIONADOS - 1ª GALICIA (LIGA - J30): Cultural Maniños 2 (Iago e Ipi) - Boimorto CF 0

HORARIOS PARTIDOS FIN DE SEMANA (14-15-16) ABRIL

 

CRUEL DERROTA DO FILIAL NO ÚLTIMO INTRE

Cando perdes un partido practicamente na última acción do mesmo quedate cara de "parvo". Pois isto é o que sucedeu o pasado xoves en Pontedeume nun partido no que se foi de menos a máis, onde se empezou perdendo e non estando ben no partido, cambiouse o rumbo lográndose o empate ter opcións de gañar o partido para perdelo nunha acción a balón parado nos instantes finais. Unha verdadeira nora...

Mala primeira parte onde os locais sacaron unha clara vantaxe lléndose ao descanso cun claro (2-0) e coa sensación de que os brancos non estaban ben, non eran capaces de dar dous pases seguidos e con malas sensacións que cambiaron na segunda parte cun mellor xogo e empezando a xerar ocasións de gol que o debutante Pedro materializou en dúas ocasións. Nesta situación e no que os brancos parecía que ían levar algo positivo, mesmo sumar os tres puntos chegou a xogada clave que decidiu a favor dos locais a contenda.

Agora toca levantarse e seguir pelexando porque hai unha segunda volta completa para seguir crecendo e disputando cada partido coma se fose unha final. O próximo partido será clave co desprazamento a Os Calzados para enfrontarse ao ADC A Capela. Como di o Cholo, "partido a partido"...

A erguirse e seguir na pelexa !!!

GO MANIÑOS

Acta do partido en www.futgal.es, preme aquí

Michel Rodríguez en www.radiofusion,eu, preme aquí

DERROTA EN UN MAL PARTIDO NA GRELA

Afrontábase este partido na Grela fronte ao Ural Español CF con boas expectativas dado o último partido dos brancos ante o potente Olímpico CF no que se destapou o tarro das esencias nunha segunda parte inesquecible pero aínda que na segunda parte do partido de este domingo mellorouse, a primeira puido ser a peor do presente curso. E dicir puido e non afirmar rotundemente é moito dicir.

Saúdo inicial na Catedral

E é que a primeira parte foi moi mala. Terminou (1-0) cun gol ademais na recta final do partido, pero o Maniños estaba descoñecido, sen balón, sen ritmo, sen intensidade, estaba ausente e aínda que non houbo moitas ocasións por ambos lados, iso se, algunha clara como un remate de cabeza en prancha de Pedro que se atopou o porteiro e que foi a antesala do primeiro gol local. O mellor que puido pasar é que se chegase ao descanso e aí reformularse o partido e aclarar ideas e intencións. 

Na segunda parte saíuse mellor, ideas máis claras e mellor circulación de balón. Antes do cuarto de hora Ipi anotou o empate ao empuxar o balón na boca de gol. Parecía que o Maniños ía levar o partido porque ademais os locais parecían fundidos e estaban a chegar os brancos con relativa claridade. Cando máis se aburaba o dominio fenés unha contra dos locais combinado cunha cadea de indecisións defensivas acabou no segundo gol coruñés e de aí ao final mobilización de combate. Ipi ao pau de falta e un disparo que saca o porteiro cando entraba, unha ocasión inmellorable para Gonza que non chega a rematar só na área pequena... O partido finaliza co coñecido (2-1) para os locais que celebraron unha vitoria que lles confirma a continuidade na categoría. Os brancos conscientes de que deixaron pasar unha gran oportunidade de sumar tres puntos e de achegarse aos postos de privilexio.

Decepción entre os afeccionados que se desplazaron a Grela, non tanto pola derrota senón pola sensación de que cun pouco máis o partido non se escapaba... toca reflexionar!!!

Achegámonos aos 5 últimos partidos da competición e o domingo visita O Pote un dos equipos que a clasificación non di do seu potencial, o Boimorto CF. Será a partir das 12:00 H. 

GO MANIÑOS

Acta do partido en www.futgal.es, preme aquí

Pablo Mesa en www.radiofusion.eu, preme aquí 

RESULTADOS PARTIDOS FIN DE SEMANA (6-7-8-9) ABRIL

AFICIONADOS - 2ª GALICIA : (LIGA - 2ª FASE - J05): Eume "B" 3 - Cultural Maniños 2 (Pedro) (Xogado o xoves 6 de abril)
AFICIONADOS - 1ª GALICIA (LIGA - J29): Ural Español CF 2 - Cultural Maniños 1 (Ipi)

HOXE É DÍA DE PARTIDO, HOXE XOGAN OS NOSOS MODESTOS

Esta tarde os nosos modestos desprázanse ao Campo da Grela (A Catedral) da Coruña para enfrontarse a partir das 18:00 H ao Ural Español CF.

Moita sorte equipo e a dalo todo!!!

GO MANIÑOS

BOA ACTUACIÓN DAS NOSAS NO CAMPIONATO GALEGO DE SELECCIÓNS COMARCAIS

O pasado martes 4 do presente mes disputouse a fase final do Campionato Galego de Seleccións Comarcais feminino en Silleda. 

As nosas rapazas da SUB 11, Candela, Antía, Valeria e Carmen acadaron un meritorio 5º posto ao derrotar a Costa no partido que determinaba esa posición. Mientras a nosa representante na SUB 14, Mishelle, acadou o 3º posto tras superar a Ourense. 

Selección SUB 11 Delegación de Ferrol
Silleda, 4.04.23
(Fuente: @futgal)

Selección SUB 14 Delegación de Ferrol
Silleda, 4.04.23
(Fuente: @futgal)

Felicitar a la RFGF pola gran organización e o bo trato.

Parabéns a Delegación de Ferrol e as rapazas!!!

O FILIAL ADIANTA O PARTIDO AO XOVES SANTO

Os dous equipos puxéronse de acordo apra fixar o partido da seguinte maneira:

FILIAL
Eume Deportivo "B" - Cultural Maniños "B"
Xoves 6, 12:00 H.
A Gándara (Pontedeume)

GO MANIÑOS

EMPATE DO VETERANO ANTE O CAMBRE

Intenso o partido dos nosos veteranos ante o Cambre CF - Mesón O Dolmen que finalizou con empate (3-3) pero que facilmente se puido decantar para calquera dos lados polas ocasións marradas especialmente nos instantes finais nos que se converteu nun partido tolo.

Iván nunha acción do partido
(Foto: Mercedes Lamas)

Na primeira parte os brancos foron mellores con varias ocasións moi claras, a lembrar unha de Roel e sobre todo unha falta directa executada por Marcos Sánchez e en ambas o meta visitante erixiuse como o "salvador" do seu equipo. Pero foi curiosamente ao revés, foron os visitantes os que se adiantaron no marcador ao aproveitar un disparo raso desde a frontal da área que pasou por de unha maraña de pernas impedindo a visión de Marcos e entrando mansamente na portería. A pesar de que o Maniños continúo co asedio ata o descanso  chegouse ao mesmo co coñecido (0-1) cos brancos un tanto frustrados porque o resultado non facía xustiza ao sucedido sobre o terreo de xogo. 

Rubén conducindo o balón
(Foto: Mercedes Lamas)

A segunda parte empezou da mellor maneira para os brancos pois un centro de Rober se envenenó, golpeando o poste inicialmente para finalmente entrando na portería visitante. Era o (1-1). Pouco despois unha falta dentro da área a un incisivo Mon foi transformada por Marcos Sánchez e poñendo por diante aos brancos. O partido parecía controlado cando os visitantes meteron un balón na área e nunha máis que posible falta a Iván que o árbitro no sinala, e o xogador do Cambre mete o corpo, leva o esférico e bate a bocaxarro a Marcos. Aí o Maniños se descentró un pouco pero de novo Mon pelexa un balón perdido, anticípase á defensa e bate ao meta visitante por arriba. Un golazo e (3-2) no marcador. Finalmente e cando o Maniños tiña que durmir o partido, perda no medio campo, contra que acaba nun bo centro e cabezazo ao fondo das redes. (3-3) e de aquí ao final un partido descontrolado no que ambos os equipos tiveron as súas opcións para levar o partido pero a forza de ser sinceros os de Cambre estiveron máis preto pois cada ataque seu daba a sensación de
que podía acabar no fondo das redes. (3-3) resultado final que ben puido ser outro por todo o devandito anteriormente.

Empate que rompe a refacho de dúas derrotas consecutivas aínda que o equipo segue sen coller ese punto que lle permita encadear vitorias pero polo menos non perder e ir recuperando xente e sensacións. Desexarlle ao Cambre CF moita sorte no que queda de tempada.

A seguir que aínda queda moita tempada e chegarán os resultados.

Seguimos!!!

GO MANIÑOS

Acta do partido en www.futgal.es, preme aquí

DERROTA DO FEMININO ANTE O LÍDER

Derrota do feminino no partido deste domingo ante numeroso público que se "enganchou" despois do dos modestos e que animou e apoiou ao equipo nos momentos complicados que non foron poucos e ante posiblemente o mellor equipo da competición como é o Atlético San Pedro que soubo sufrir cando lle tocou e golpear ás brancas ao bordo do descanso para logo rematar o partido na segunda metade.

Empezou ben o Maniños, con moita orde e con acerto de fronte o gol xa que Mishelle poñía o (1-0) bordeando o minuto 20.  As visitantes a pesar de que tiñan chegada non eran capaces de superar a unha Uxía moi segura. Tivo que dar todo de se as de San Pedro de Nós para poder superar o armazón defensivo das brancas e así antes do descanso lograban voltear o marcador.

As brancas na segunda parte non lle perderon a cara ao partido en ningún momento aínda que antes do primeiro cuarto de hora da continuación e ao transformar un penalti poñer o (1-3) que deu tranquilidade a un líder que seguiu atacando aínda que sen desguarnecer a defensa e deixar pasar o tempo que transcorreu sen ningún cambio máis no marcador finalizando co coñecido (1-3).

Derrota que entraba dentro do esperado, felicitar ao rival e desexarlle sorte na súa carreira para a consecución do título e agora centrarse nos próximos partidos de carácter local empezando polo derbi fenés ante o Perlío. 

A seguir traballando e aprendendo!!!

GO MANIÑOS

Acta do partido en www.futgal.es, preme aquí

Juanjo Cebolo en www.radiofusion.eu, preme aquí

#peixeria_mares
#pinturas_mar

TRABALLADA VICTORIA DO FILIAL ANTE O ADC MOECHE

Vitoria apertada do filial que vendeu cara a súa derrota e que loitou ata o último segundo dun partido marcado pola forte calor reinante e a escaseza de efectivos por ambas as partes, dous cambios en cada equipo aínda que nos brancos finalmente só un pola ausencia a última hora de Cavezza.

Intre do partido 

O partido sempre dentro da igualdade tivo ademais das oportunidades que subiron ao marcador varias opcións moi claras por ambos os bandos e ben o fallo na definición ou os porteiros impediron que o resultados e alterase especialmente na segunda metade. Adiantouse o filial cun gran gol de Cristofer que lle meteu o corpo ao defensa que o marcaba e dunha sutil vaselina botoulle o balón ao porteiro por arriba. Empataron os visitantes ao aproveitar Alexandre o rexeite de Arnoso tras un gran lanzamento de falta. E antes de finalizar a primeira parte un erro do meta visitante ao querer despexar de puños un balón, este golpeou na cabeza de Jaime que como quen di "pasaba por alí"

Na segunda parte e a medida que o partido ía avanzando en tempo, se descontroló e houbo momento que reinou o caos e ningún dos dous foi quen de alterar o resultado con innumerables ocasións destacando unha impresionante atallada de Arnoso nun remate de socato. Porterazo!!!.

Tres puntos importantes para seguir na pelexa ante un gran rival. O próximo partido requirirá de todos os sentidos porque se visita ao líder do grupo, o Eume "B". Pero iso será outra historia...

Noraboa equipo!!!

GO MANIÑOS

Acta do partido en www.futgal.es, preme aquí

Michel Rodríguez en www.radiofusion.eu, preme aquí

VICTORIA DOS MODESTOS NUNHA SEGUNDA PARTE PARA ENMARCAR

Despóis dunha dinámica negativa de resultados a visita dun dos equipos punteiros da competición como é o Olímpico CF parecía que non facilitaría esa vitoria tan necesaria. Pero foi todo o contrario, cun moi bo partido en liñas xerais pero sobre todo cunha segunda parte de luxo desarbolaron a un equipo visitante que se puido considerar afortunado de non irse de O Pote cunha goleada de escándalo. Aínda así hai que recoñecer o nivel do Olímpico un candidato ao título pero nesta ocasión non puido contrarestar a avalancha de fútbol e ocasións duns brancos desatados. 

O equipo modesto e benxamín saíndo o terreo de xogo
(Foto: Abraham Santos)

Aínda que salío moi enchufado o equipo visitante e foi mellor durante os primeiros 15 minutos, con ocasións desbaratadas entre Mateo e a defensa, aos poucos os brancos foron mellorando ata facerse donos do balón e aí á media hora Dani Rey aproveitou un balón solto na área para poñer o (1-0).  A partir de aí dominio total branco que non aproveitou un penalti executado por Pedro, xogador ao que lle facían a pena máxima e mesmo o rexeite do pau foi rematado por un xogador branco parando o meta visitante na liña de gol. Unha gran oportunidade desperdiciada. o que puido ser o (2-0) pasou ao empate a uns ao aproveitar os visitantes un fallo na saída do balón dod locais. E con este fustrante (1-1) o partido íase ao descanso. 

Testarazo de David que supuso o (3-1) provisional
(Foto: Abraham Santos)

A segunda parte foi de claro dominio branco, cun Olímpico que se foi diluíndo co paso dos minutos e que co cuarto gol branco baixou definitivamente os brazos. Antes do segundo gol local, Ipi xa avisara cun disparo ao traveseiro. Pedro puxo o segundo ao aproveitar un balón solto na área despois de varios rexeites á desesperada da defensa rojilla. David dun gran cabezazo puxo o terceiro gol ao rematar no segundo pau un excelente centro. Pouco despois Javi Rey puxo o cuarto ao aproveitar un pase da morte de Ipi para finalmente Álvaro dun disparo raso que tocou nalgún defensa meter o balón na portería visitante. Certo é tamén que o Olímpico tivo algunha clara ocasión de gol como un remate franco dun dos seus dianteiros que con toda a portería para el, o seu disparo golpeou a cabeza de Mateo que evitou o gol.  (5-1) final que reflicte o acontecido na tarde deste domingo en O Pote.

Pedro anotou un gol e errou un penal
(Foto: Abraham Santos)

E así se acaba cunha mala dinámica de resultados que esperemos prolónguese o maior tempo que sexa posible. A liga segue e hai que tentar conseguir a mellor clasificación posible. Sen dúbida o peor da xornada foi a lesión muscular ao minuto de partido de Pitu que o manterá unhas cantas semanas afastado dos terreos de xogo. Ánimo Pitu !!! 

Antes do primeiro minuto mancouse Pitu, Ánimo Crack!!!

(Foto: Abraham Santos)

Gran entrada en O Pote coa presentación ante a afección do equipo benxamín do Club que acompañaron aos xogadores na súa saída ao campo. Entendemos gran iniciativa para achegar o fútbol base ao primeiro equipo. En próximos partidos seguirase presentando equipos de base. 

GO MANIÑOS

Acta do partido en www.futgal.es, preme aquí

Pablo Mesa en www.radiofusion.eu, preme aquí

RESULTADOS PARTIDOS FIN DE SEMANA (31) MARZO E (1-2) ABRIL

PREBENJAMINES (LIGA 2ª FASE - J13): Cedeira, SD - Cultural Maniños (2)
BENJAMINES (LIGA 2ª FASE - J10): Cultural Maniños - Galicia Mugardos (1)
ALEVÍN "B" (LIGA 2ª FASE - J13): Cultural Maniños - Galicia Caranza "C" (1)
ALEVÍN "A" (LIGA 2ª FASE - J13): ADR Numancia - Cultural Maniños (1)
INFANTILES (LIGA - 2 ª FASE J13): Cultural Maniños 3 - CD Cariño 6
CADETES (LIGA - 2 ª FASE J13): Cultural Maniños 1 - SCDR Ánimas "B" 1
JUVENILES (LIGA - J29): ADR Numancia 7 - Cultural Maniños 2 (Edu e Víctor)
FEMININO F11 (LIGA - J21):  Cultural Maniños 1 (Mishelle) - Atlético San Pedro 3
VETERANOS (LIGA - J23): Cultural Maniños 3 (Rober, Marcos Sánchez e Mon) - Cambre CF 3
AFICIONADOS - 2ª GALICIA : (LIGA - 2ª FASE - J04): Cultural Maniños 2 (Cristofer e Jaime) - ADC Moeche 1
AFICIONADOS - 1ª GALICIA (LIGA - J28): Cultural Maniños 5 (Dani Rey, Pedro, David, Javi Rey e Álvaro) - Olímpico CF 1