OS VETERANOS MOI MINGUADOS DE EFECTIVOS CAERON EN FREÁN

Acudían os veteranos ao Campo de Fútbol de Freán (Arteixo) para enfrontarse a un dos mellores equipos da competición como é o Campanal de Loureda FC, equipo que na primeira volta deixara unha excelente imaxe no Pote e que ocupa unha das posicións de privilexio da clasificación. 

Raul nun intre do partido
(Foto: Mercedes Lamas)

Partido no que os brancos o deron todo, pelexaron ata o final e onde Ahitor erixiuse na gran figura do mesmo parando todo o que lle chegaba salvo nas dúas ocasións nas que foi superado. O equipo despois de ir perdendo (2-0) foi capaz de meterse no partido ao transformar Iván un penalti e mesmo tiveron as súas opcións de traerse un punto ao serlle anulado un gol a Mon. 

Momento no que Ivan transformaba o penalti
(Foto: Mercedes Lamas)

Toca pasar páxina coa satisfacción de non deixarse nada no partido. Agora toca levantarse, seguir traballando igual de ben e recuperar xente. 

GO MANIÑOS

Acta do partido en www.futgal.es, preme aquí