DERROTA NO POTE NUN MAL COMEZO LIGUEIRO

Os Modestos non puideron sumar no debut ligueiro nun encontro no que o marcador final resultou demasiado abultado. 

Na 1ª metade, o equipo non conseguiu xerar o perigo necesario e o equipo visitante aproveitou as súas ocasións para chegar ao descanso con clara vantaxe

Un resultado duro que non debe facer esquecer a reacción do equipo tras o descanso. 

Toca seguir traballando, corrixir erros e mirar xa cara ao seguinte compromiso. 

A competición acaba de comezar e queda moito traballo por diante. 

GO MANIÑOS

Acta do partido en www.futgal.es, preme aquí

Adrán Martínez en www.radiofusion.gal, preme aquí

OS VETERANOS CAEN NA COPA CORUÑA

Derrota dos Veteranos ante o CD Narón na Copa A Coruña, nun partido no que o resultado final foi máis contundente do que reflectiu a loita do equipo durante boa parte do encontro.

O Narón foi superior en diferentes fases do partido e tivo máis control do xogo, pero os nosos mantivéronse competitivos e dentro do encontro ata os últimos minutos. Os nosos chegaron ao tramo final con opcións, pero no minuto 80 o Narón conseguiu ampliar a súa vantaxe. O 3º tanto, xa nos últimos compases, pechou definitivamente o encontro.

Cómpre seguir mellorando, especialmente á hora de xerar máis perigo na área rival, pero tamén poñer en valor o traballo, o compromiso e a capacidade do equipo para competir e loitar ata o final. 

Seguimos, familia!!! 

O bo empeza para a semana !!! 

GO MANIÑOS 

Acta do partido en www.futgal.es, preme aquí

DOMINGO DE DERBIS NO POTE

Despóis dunha intensa pretempada, chega a hora da competición para a Cultural Maniños. Este domingo, O Pote será escenario dunha xornada especial, con dous encontros oficiais e dous derbis locais

Dous partidos. Dous derbis. Unha mesma ilusión: comezar a tempada competindo e facer do Pote, unha vez máis, o noso fortín. 

Domingo de fútbol. Domingo de derbis. Domingo de Maniños.

GO MANIÑOS

AMIGABLE DO FILIAL ANTE O HISTÓRICO CD AS PONTES

O filial afrontou un novo encontro de pretempada ante o C.D. As Pontes, nunha nova oportunidade para seguir collendo ritmo e avanzar na preparación de cara ao inicio da competición.

O conxunto local levou o control do marcador e conseguiu marcharse ao descanso cunha vantaxe importante. Na segunda metade, o As Pontes ampliou a diferenza ata o definitivo (6-0).

A pesar do resultado, o encontro deixa aspectos positivos para o noso filial, que continúa acumulando minutos, adquirindo experiencia e competindo cada día mellor.

Estes partidos tamén serven para detectar erros, corrixilos e seguir medrando como equipo.

Un novo paso na pretempada dun filial que segue traballando e preparando o que realmente importa: a competición oficial.

Gracias ao CD As Pontes pola súa invitación e moita sorte na tempada.

GO MANIÑOS

DEBUT DOS VETERANOS ANTE UN POTENTE RIVALCOMO É A UDC NARAHÍO

Primeiro amigable da pretempada para os nosos veteranos ante un gran rival.

O UDC Narahío adiantouse no marcador na primeira metade, nun encontro intenso e competitivo.

Na segunda parte, os nosos deron un paso adiante e atoparon o premio ao seu traballo co gol de Javi Rico, que puxo o empate definitivo. 

Boas sensacións para comezar a pretempada e seguir collendo ritmo de cara ao inicio da competición.

Seguimos traballando!

GO MANIÑOS