DÍA MOI TRISTE PARA A FAMILIA BRANCA, FALECEU IGNACIO FONTÁN

Con profunda tristeza temos que comunicar que D. Ignacio Fontán Rivera "Fontán" faleceu no día de onte.

Fontán que defendeu as cores do Maniños tanto como xogador como adestrador durante moitos anos era unha referencia de grandes e inesquecibles momentos da historia do noso Club. Desde o punto de vista de humano unha gran persoa apreciada por todos os que o coñeceron.

Todo o noso apoio á súa muller, Pilar, ás súas fillas e ao resto da súa familia así como achegados e amigos.

Fontán, sempre será un dos nosos, botarémoste de menos.

DEP

HORARIOS FIN DE SEMÁN DO (6-7-8) NOVEMBRO

 

DERROTA DURA DO FILIAL EN MOURENTE

O Filial visitaba Mourente nun novo compromiso. O encontro comezou costa arriba para os brancos, que encaixaron un tanto aos seis minutos. Lonxe de baixar os brazos, o equipo buscou a reacción e atopou o premio xusto antes do descanso, cando Leo Allegue igualaba o marcador.

Na segunda metade, os locais amosáronse acertados ampliando a súa vantaxe ata deixar o encontro moi complicado para os nosos. Xa no último suspiro, Pablo Pérez recortou distancias deixando o definitivo (5-2). Seguimos sumando experiencia e traballo nesta competición. 

GO MANIÑOS

Acta do partido en www.futgal.es, preme aquí

Manel López en www.radiofusion.gal, preme aquí

DERROTA CRUEL DOS MODESTOS ANTE O RELÁMPAGO

O Pote viviu un encontro de alternativas nas que o Maniños soubo atopar o seu momento para golpear primeiro. Christian adiantou aos brancos nun inicio no que o equipo amosou personalidade e asinou os seus mellores minutos. Un saque de esquina permitiu ao Relámpago igualar a contenda.

A segunda metade comezou complicada para os brancos, que encadearon un novo mazazo ao encaxar nun erro nada máis arrancar o segundo acto. O gol fixo dano aos nosos, que perderon o control do partido e encaixaron outro tanto máis demasiado cedo. 

Custoulle reaccionar aos brancos, pero os cambios desde o banco achegaron novas ideas ao equipo. O empuxe tivo premio cando foi quen de achegarse grazas a un penalti transformado polo debutante Hugo Cociña deixando o (2-3) definitivo no marcador. 

A seguir traballando!!! 

GO MANIÑOS

Acta do partido en www.futgal.es, preme aquí

Adrián Martínez en www.radiofusion.gal, preme aquí

RESULTADOS FIN DE SEMÁN DO (30-31) OUTUBRO E (1) NOVEMBRO

PREBENJAMINES (1ª FASE - X03): SDR Neda - Cultural Maniños (2)
BENJAMINES (1ª FASE - X03): AD Miño - Cultural Maniños (1)
ALEVINES "A" (1ª FASE - X03): Cultural Maniños - Eume "B" (2)
ALEVINES "B" (1ª FASE - X02): SDR Neda - Cultural Maniños (1)
FILIAL - 3ª FUTGAL (COPA - X08): SD Valdoviño 5 - Cultural Maniños 2 (Leo e Pablo)
AFICIONADOS - PRIMEIRA GALICIA (X09):  Cultural Maniños 2 (Christian e Hugo) - Relámpago, SD 3